गौ पालन ले श्री पराऊ साहू ले आर्थिक हालत सुधरिस

महासमुंद 6 सितंबर 2023
शासकीय योजना तभे सफल होथे जब हितग्राही स्वयं पूरा ईच्छाशक्ति, लगन अउ मेहनत कर के योजना ल अमल में लाथे। पिथौरा विकासखण्ड के ग्राम भुरकोनी निवासी पशुपालक श्री पराऊ साहू ह पशुधन विकास विभाग द्वारा संचालित राज्य पोषित डेयरी उद्यमिता विकास योजना ल अमल में लाके ए वाक्य ल सच कर ले देखाइस हे। श्री पराऊ साहू, के आजीविका के मुख्य साधन उकर पैतृक खेती ही रहिस हे। जेकर से उकर आर्थिक स्थिति अबड़ कमजोर रहिस।
पशुधन विकास विभाग द्वारा संचालित राज्य पोषित डेयरी उद्यमिता विकास योजना ले जानकारी मिले म वित्तीय वर्ष 2021-22 में खेती के संग ही पशुपालन व्यवसाय करे के मन बनाइस। अपन तिर के पशु चिकित्सा संस्था ले संपर्क कर योजना के लाभ लेहे के इच्छा जाहिर करिस। प्रक्रिया पूरा होए के बाद योजना के अंतर्गत ओला 02 ठ गाय के कुल लागत राशि एक लाख 40 हजार रुपिया में से 50 प्रतिशत राशि शासकीय अनुदान के स्वीकृति मिलिस।
विभाग के संपर्क में सरलग रहिके पशुपालन के तकनीकी ज्ञान के संग ही समय म पशु उपचार, टीकाकरण, कृत्रिम गर्भाधान, अनुशीलन के लाभ मिलिस। योजना ले जुडे़ के बाद श्री पराऊ साहू ह दूद बेच के 60 हजार रुपिया प्रतिवर्ष के अतिरिक्त आय अर्जित करत हे। पशुपालन अब उकर आय के मुख्य जरिया बन गय हे।