रायपुर, मुख्यमंत्री श्री भूपेश बघेल ह दुर्ग जिला के ग्राम बैलोदी म अपन स्वजन अऊ ग्रामीण जन मन के बीच हर्ष अऊ उल्लास के संग मनाईन। मुख्यमंत्री ह ये बेरा म कहिन कि लोक आस्था के ये परब सबो के जीवन म नवा उर्जा अऊ बंधुत्व के संचार करय, हर घर धन धान्य ले परिपूर्ण होवय। उमन गोवर्धन परब ल प्रकृति प्रेम अऊ परोपकार के चिन्हारी बताइन अऊ कहिन कि प्रकृति के पूजा अऊ संरक्षण भावी पीढ़ी बर अति जरूरी हे, ते पाए के सबो ल ये परब के मूलमंत्र के अनुसरण करना चाही।
मुख्यमंत्री बेलौदी के कला मंच म गांव वाले मन ले मिलिन। इहां उंखर उपस्थिति म दिव्य शक्ति ले पर्वत ल अंगरी म उठाए भगवान श्री कृष्ण के आकृति के आगू म गांव वाले मन के संग उमन हर्ष अऊ उल्लास के संग भगवान के पूजा, गाय के भांवर लेकेपूरा करिन। गांव वाले मन ह मुख्यमंत्री ल टीका लगाइन अऊ आपस म एक दूसर ल घलोक टीका लगाके भाईचारा के संदेश दीन। बेलौदी के गांव वाले मन ह मुख्यमंत्री ल ग्रामीण संस्कृति के मुताबिक जोहार घलोक करिन। मुख्यमंत्री ह गांव म घूम के स्वजन अऊ गांव वाले मन ले भेंट करिन। संगे संग लइका अऊ महिला मन के संग सेल्फी घलोक लीन।
मुख्यमंत्री श्री भूपेश बघेल ह बेलौदी गांव के गोरधन पूजा म संघरिन
