गौरेला पेंड्रा मरवाही : सब्जी-बाड़ी ले सिमरन स्व सहायता समूह के महिला मन ह कमाइन 1.14 लाख रूपिया

गौरेला पेंड्रा मरवाही, सुराजी ग्राम योजना के तहत गौठान मन म संचालित आजीविका गतिविधि मन के तहत स्व सहायता समूह के महिला मन संग किसान, गो पालक अउ ग्रामीणजन आर्थिक रूप ले शसक्त होवत हें। पेंड्रा विकासखंड के नवागांव गौठान म सब्जी-बाड़ी व्यवसाय ले सिमरन स्व सहायता समूह के महिला मन अब तक 1 लाख 14 हजार रूपिया के कमाई कर डरे हें। समूह कोति ले नवागांव चारागाह क्षेत्र म उद्यानिकी विभाग के आरएचईओ श्री धर्मेंद्र पाण्डेय के मार्गदर्शन म ड्रीप सिंचाई विधि ले 80 डिसमिल क्षेत्र म बरबट्टी (लोबिया) के खेती ले 90 हजार रुपए अऊ 1 एकड़ 30 डिसमिल क्षेत्र म टमाटर के खेती ले चालू सीजन ले नौ पईत तोड़ाई अउ बिक्री ले शुद्ध रूप ले 24 हजार रुपए के लाभ होए हे, जबकि टमाटर के तोडाई अभी चलतेच हे। सिमरन महिला स्व सहायता समूह म 11 सदस्य हे, इमन नवागांव चारागाह क्षेत्र म 10 डिसमिल म खीरा अऊ 20 डिसमिल म मटर के घलोक खेती करत हें।