आजीविका केन्द्र के रुप म विकसित होवत हे गोठान: बाड़ी विकास योजना ले गांव वाले मन ल होवत हे आर्थिक लाभ

सुकमा, 01 अप्रैल 2021। छत्तीसगढ़ म अब गोठान गांव वाले मन बर आजीविका के साधन बनत हे। प्रदेश के मुख्यमंत्री श्री भूपेश बघेल के महत्वाकांक्षी सुराजी गांव योजना अब जीवंत रूप धारण करत हे। ग्रामीण क्षेत्र के रहवासी शासन के हितकारी नरवा, गरवा, घुरुवा बाड़ी योजना ले लाभ कमावत हे हे। गोठान अब सिरिफ पशु अऊ गोधन संवर्धन के केंद्र नहीं भलुक गांव वाले मन बर आजीविका केंद्र के रूप म विकसित करे जात हे, जेखर से ग्रामीण अर्थव्यवस्था ल मजबूती मिलत हे। सुकमा जिला मुख्यालय ले 8 किलोमीटर दूरिहा आदर्श गोठान रामपुरम एकर उदाहरण हे, जिहां समिति अऊ महिला स्व-सहायता समूह गोधन संवर्धन के संगें-संग अड़बड़ अकन रोजगार मूलक गतिविधि घलोक सफलता ले संचालित करत हें। जिला के गोठान अब आत्मनिर्भर होवत हे।