जशपुरनगर, जशपुर जिला म गौठान के माध्यम ले स्व-सहायता समूह के महिला मन ल आर्थिक रूप ले सशक्त बनाए बर कई प्रकार के आजीविका मूलक योजना मन ले जोड़े जात हे। जेखर से ओ मन आत्मनिर्भर बन सकयं अऊ अपन परिवार के आर्थिक मदद कर सकयं। इही कड़ी म कांसाबेल के दोकड़ा गौठान के रानी स्व-सहायता समूह के महिला मन मल्टीएक्टीविटी के तहत गोठान के जमीन म सामुदायिक बाड़ी म सब्जी उत्पादन के काम बर 0.200 हे. जमीन के चयन करे गए हे।
समूह के महिला मन ह बताइन कि सामुदायिक बाड़ी म सब्जी उत्पादन बर उद्यान विभाग अउ एनआरएलएम विभाग कोति ले उचित मार्गदर्शन देहे गीस। सामुदायिक बाड़ी म लगाये गये सब्जी के विक्रय स्थानीय बाजार म होवत हे। उमन बताइन कि सामुदायिक बाड़ी म गौठान के जमीन म टमाटर, बैंगन, मिर्च, कद्दूवर्गीय अउर सब्जी के रोपण करे गए हे। जेमां समूह ल 4000 हजार के लागत आए हे। उमन बताइन कि बाड़ी म सब्जि मन के उत्पादन अच्छा होय हे। जेखर से अब तक उमन 51 हजार रुपए के शुद्ध आमदनी होए हे। संगेच उमन कहिन कि सामुदायिक बाड़ी ले आय प्राप्त करे के अकतहा समूह के सदस्य गौठान म आन मल्टीएक्टीविटी ले अकतहा आय प्राप्त करत हें। समूह के महिला मन ह कहिन कि बाजार म सब्जि के मांग ल देखत ओ मन अऊ आन सब्जि मन के उत्पादन करहीं। जेखर से ऊंखर समूह ल आर्थिक रूप ले जादा लाभ प्राप्त हो सकय। उमन बताइन कि सब्जी उत्पादन बर ओ मन ल प्रशासन के माध्यम ले प्रशिक्षण घलोक प्रदान करे गए हे। जेखर ओ मन ल अच्छा लाभ मिले हे।
