मुख्यमंत्री श्री भूपेश बघेल ह करिस ‘गौठान मैप’ मोबाइल एप के लोकार्पण

रायपुर, छत्तीसगढ़ के मुख्यमंत्री श्री भूपेश बघेल ह आज अपन निवास कार्यालय म आयोजित कार्यक्रम म गौठान प्रबन्धन बर चिप्स कोति ले विकसित ‘गौठान मैप’ (गौठान मल्टी ऐक्टिविटी अउर आजीविका प्रबंधन) मोबाइल एप के लोकार्पण करिन। ये एप ले गोबर खरीदी, गोठान विवरण, चारागाह अऊ पैरादान, स्व-सहायता समूह के गतिविधि मन के जानकारी, अधोसंरचना आदि के पूरा विवरण एक किलिक म मिल जाही।
जानबा हे कि चिप्स कोति ले इन-हाउस विकसित ये एप म राज्य म संचालित गोठान मन के गोठानवार डेटाबेस होही, जेमे गोठान मन म उपलब्‍ध संसाधन, गतिविधि, हितग्राही अउ सेवा मन विवरण होही। जियो-टैगिंग के माध्यम ले गौठान मन के डिजिटल मैपिंग करे जाही। जेखर से गौठान मन के संसाधन मन के सतत लेखा जोखा उपलब्‍ध होही। हर एक गोठान म स्व सहायता समूह कोति ले संचालित मल्टी एक्टिविटी के डेटाबेस तियार होही। ये फ्रेमवर्क ले गौठान मन के मुख्य सूचकांक के सटीक निगरानी हो सकही। एखर से गौठान मन म उत्पादित सामान के उपलब्धता अउ विपणन अऊ लाभार्थि मन के लेखा जोखा उपलब्‍ध होही।
एप म राज्य शासन बर गौठान ले जुड़े गोठान समिति अऊ स्व-सहायता समूह दुनों बर मजबूत डिजिटल मूल्यांकन तंत्र अऊ सटीकता सुनिश्चित करइया गौठान केंद्रित डाटाबेस उपलब्‍ध होही। ये डाटाबेस के आधार म गौठान मन म भविष्य म होवइया गतिविधि मन के रूपरेखा तियार करे म मदद मिलही। गौठान म आय सृजन गतिविधि मन के प्रवृत्ति अऊ प्रदर्शन के निगरानी के माध्यम ले आजीविका के नवीन स्रोत मन के पहिचान होही, एखर से हितधार मन के आय म बढ़ोतरी होही अऊ सूक्षम उद्द्योग के योजना बनाए अऊ संवर्धन के संभावना बाढ़ही।
ये बेरा म मुख्यमंत्री के विशेष सचिव अऊ प्रबंध संचालक गोधन न्याय मिशन डॉ. एस. भारती दासन ह चिप्स ल ये एप निर्माण बर धन्यवाद दीन। कार्यक्रम म कृषि मंत्री श्री रविन्द्र चौबे, पूर्व केन्द्रीय मंत्री श्री भक्त चरणदास, मुख्यमंत्री के सलाहकार श्री प्रदीप शर्मा, इलेक्ट्रानिक्स अउ सूचना प्रोद्योगिकी के अपर मुख्य सचिव श्री सुब्रत साहू अऊ चिप्स के संयुक्त मुख्य कार्यपालन अधिकारी श्री नीलेश सोनी विशेष रूप ले उपस्थित रहिन।