रायपुर, छत्तीसगढ़ सरकार के फ्लैगशिप योजना मन म ले महत्वपूर्ण सुराजी गांव योजना के गरूवा घटक के तहत अब तक राज्य म निर्मित अऊ सक्रिय रूप ले संचालित 7933 गौठान मन म ले 2201 गौठान स्वावलंबी हो गे हे। स्वावलंबी गौठान गोबर खरीदी ले लेके वर्मी कम्पोस्ट के निर्माण बर अपन खुद के रकम के उपयोग करे लगे हें। रायगढ़ जिला म सबले जादा 249 गौठान स्वावलंबी होए हे। दूसर नंबर महासमुन्द अऊ कोरबा जिला म 170-170 गौठान अऊ तीसर क्रम म कबीरधाम जिला म 141 गौठान स्वावलंबी होए हे।
कृषि विभाग ले मिले जानकारी के मुताबिक गरियाबंद जिला म 25, धमतरी म 80, बलौदाबाजार म 84 अऊ रायपुर जिला म 75, दुर्ग म 86, बालोद म 67, बेमेतरा म 66, राजनांदगांव जिला म 101, गौरेला-पेण्ड्रा-मरवाही म 25, जांजगीर-चांपा म 105, बिलासपुर म 76, मुंगेली म 62, कोरिया म 73, जशपुर म 70, बलरामपुर म 55, सरगुजा म 65, सूरजपुर म 56, कांकेर म 104, कोण्डगांव म 46, दंतेवाड़ा म 35, नारायणपुर म 6, बस्तर म 35, बीजापुर म 22 अऊ सुकमा जिला म 52 गौठान स्वावलंबी बन गे हे।
जानबा हे कि राज्य म पशुधन के संरक्षण अऊ संवर्धन ल बढ़ावा देहे बर राज्य सरकार कोति ले अब तक 10591 गांव मन म गौठान के निर्माण के स्वीकृति देहे गए हे। जेमां ले 7933 गौठान मन के निर्माण पूरा हो चुके हे अऊ उहां गोबर खरीदी, वर्मी कम्पोस्ट के निर्माण संग आन आयमूलक गतिविधियां संचालित होवत हे। अभी हाल म 2300 गौठान मन के तेजी ले निर्माण कराए जात हे बांचे 358 गौठान मन के निर्माण के काम अभी शुरू होवइया हे। गौठान मन म पशुधन के देखरेख, चारा-पानी अऊ उपचार के व्यवस्था सुनिश्चित करे गए हे।
राज्य के 2201 गौठान होइस स्वावलंबी
