गौठान मन ल किसान मन ह दीन 7 लाख 32 हजार 886 कुंटल पैरा दान

रायपुर, मुख्यमंत्री श्री भूपेश बघेल के अपील म राज्य के किसान भाई मन ह गौठान मन म गोधन के चारा के व्यवस्था बर अब तक 7 लाख 32 हजार 886 क्विंटल पैरा दान करे हें।
इहां ये बताना जरूरी हे के मुख्यमंत्री श्री भूपेश बघेल ह राज्य के किसान भाई मन ले पाछू गौठान मन ल पैरादान करे अऊ खेत मन म पराली नइ जलाए के अपील करे रहिन। उमन किसान मन के नाम जारी अपील म कहे रहिन कि पशुधन बर गौठान मन म सूखा चारा के बनेच प्रबंध हो सकय, एखर खातिर धान के कटाई के बाद खेत मन म पैरा ल जलाए के बजाय अपन गांव के गौठान समिति ल पैरा-दान करव। एखर से गोधन बर चारा के इंतजाम करे म समिति मन ल आसानी होही। मुख्यमंत्री श्री भूपेश बघेल के अपील म गोधन के चारा बर किसान मन पैरा दान करत हें। अब तक 7 लाख 32 हजार 886 कुंटल ले जादा पैरा गौठान मन म दान के माध्यम ले संग्रहित करे गए हे। जेखर कीमत 200 रूपिया प्रति क्विंटल के मान ले करीबन 20 करोड़ रूपिया हे। एखर अलावा गौठान मन म पशु मन बर हरियर चारा के इंतजाम बर हाईब्रिड नेपियर ग्रास के रोपण अऊ आन चारा के बुआई घलोक करे गए हे।