गौठान योजना ले जुड़े खातिर कई समाज के मनखे मन ह देखाईन रूचि

रायपुर, छत्तीसगढ़ सरकार के महत्वकांक्षी योजना ‘‘गौठान’’ ले जुड़े बर कई समाज के मनखे मन विशेष रूचि देखावत हे। आज नवा रायपुर अटल नगर स्थित योजना भवन म आयोजित बैठक म मुख्यमंत्री श्री भूपेश बघेल के सलाहकार श्री प्रदीप शर्मा ह गौठान योजना अऊ एखर से जुड़े कई महिल समूह मन ल होवत लाभ के बारे म विस्तार ले जानकारी दीन। ये बेरा म सचिव डॉ. कमलप्रीत सिंह अऊ सचिव डॉ. एस. भारती दासन घलोक संघरे रहिन।
ये बेरा म गौठान योजना के लाभ ल देखत सबो समाज ह एखर से जुड़े बर विशेष रूचि देखाइन। बैठक म विशेष रूप ले गौ सेवा आयोग के अध्यक्ष राज श्री महंत डॉ. रामसुंदर दास, कृषक कल्याण परिषद के अध्यक्ष सुरेंद्र शर्मा, तेलघानी बोर्ड के अध्यक्ष श्री संदीप साहू, शाकंभरी बोर्ड के अध्यक्ष श्री रामकुमार पटेल, मत्स्य बोर्ड के अध्यक्ष एमआर निषाद, माटी कला बोर्ड के अध्यक्ष श्री बालम चक्रधारी, धोबी समाज के प्रदेश अध्यक्ष श्री सूरज निर्मलकर, लोहार समाज के अध्यक्ष श्री बघेल के अलावा बहुत अकन समाज प्रमुख उपस्थित रहिन।