रायपुर, मुख्यमंत्री श्री भूपेश बघेल आज रायपुर प्रेस क्लब म नवा बछर के मिलन कार्यक्रम म संघरिन। उमन कार्यक्रम म रायपुर विकास प्राधिकरण के कॉलोनी म घर खरीदी म पत्रकार मन ल 15 प्रतिशत के छूट के घोषणा करिन। उमन सांध्य दैनिक ‘अग्रदूत’ म रोजेच प्रकाशित होवइया छत्तीसगढ़ी व्यंग्य स्तंभ ‘झंगलू-मंगलू के गोठ’ के किताब के रूप म संकलन अऊ प्रकाशन बर दू लाख रूपिया देहे के घलोक घोषणा करिन। मुख्यमंत्री ह आज प्रेस क्लब म स्थापित जिम के घलोक लोकार्पण करिन।
रायपुर प्रेस क्लब कोति ले आयोजित नववर्ष मिलन कार्यक्रम म विधायक अऊ छत्तीसगढ़ गृह निर्माण मण्डल के अध्यक्ष श्री कुलदीप जुनेजा, छत्तीसगढ़ पाठ्य पुस्तक निगम के अध्यक्ष श्री शैलेष नितिन त्रिवेदी, महापौर श्री एजाज ढेबर, जनसम्पर्क विभाग के आयुक्त श्री दीपांशु काबरा, संचालक श्री सौमिल रंजन चौबे अऊ प्रेस क्लब के कोषाध्यक्ष सुश्री शगुफ्ता शिरीन संग राजधानी के बहुत अकन वरिष्ठ पत्रकार मौजूद रहिन।
झंगलू-मंगलू के गोठ किताब के प्रकाशन बर मुख्यमंत्री ह दू लाख रूपिया देहे के करिन घोषणा
