मुख्यमंत्री के पहल म गोटुल रच्चा समिति ल विदेश भ्रमण के मिलिस महत्वपूर्ण अवसर

आदिवासी संस्कृति, कृषि अउ वनोपज संग्रहण के नवाचार ल जाने-समझे अंतागढ़ के आदिवासी मन ह करिस इंडोनेशिया के भ्रमण
मुख्यमंत्री श्री बघेल ले मुलाकात कर साझा करिस अध्ययन के अनुभव
रायपुर, मुख्यमंत्री श्री भूपेश बघेल के पहल म प्रदेश के कांकेर जिला के आदिवासी बहुल अंतागढ़ के गोटुल रच्चा समिति ल इंडोनेशिया के भ्रमण ले महत्वपूर्ण अवसर मिलिस। अध्ययन भ्रमण म गए समिति के सदस्य मन के ए सफर अतका रोचक अउ अनुभव भरे रहिस कि ओमन वापिस लउटते संग मुख्यमंत्री करा विधायक श्री अनूप नाग के नेतृत्व म सीधा मुलाकात करे ब पहुंच गईस अउ अपन अनुभव ल सहजता के संग साझा करिस।
गोटुल रच्चा समिति अंतागढ़ के ए 13 सदस्यीय अध्ययन दल 8 मई ले 18 मई तक छत्तीसगढ़ शासन के वित्तीय अनुदान ले इंडोनेशिया म आदिवासी संस्कृति, परंपरागत कृषि, वनोपज संग्रहण के अध्ययन ब इंडोनेशिया के भ्रमण ब गए रहीस हे। दल म प्रदेश के सुदूर वनांचल स्थित अंतागढ़ क्षेत्र के विभिन्न जघा से सदस्य शामिल रहिस हे। एमा गोटुल रच्चा समिति अंतागढ़ के अध्यक्ष श्री परमानंद उईके समेत सर्वश्री राजूराम उसेण्डी, रामसिंह मरकाम, कंगलू राम कोमरा, सतीश टेकाम, अघन सिंह सलाम, मानिक लाल कोमरा, सुरेश कुमार मण्डावी, जुगल राम उसेण्डी, खेमन कुमार उसेण्डी, बीरसिंह मण्डावी, अनिल कुमार दुग्गा अउ दिनेश कुमार दुग्गा शामिल रहिस हे।