गौरेला तीर रेल्वे ओवर ब्रिज बने ले गांव वाले मन ल मिलत हे बाधा रहित आवागमन के सुविधा

गौरेला पेंड्रा मरवाही, छत्तीसगढ़ के 28 वां जिला के रूप म नव गठित जिला गौरेला पेंड्रा मरवाही के मनखे मन ल गौरेला-केंवची-बिलासपुर मार्ग म गौरेला तीर रेल्वे ओेवर ब्रिज (आरओबी) बने ले रेल्वे क्रासिंग म बाधा रहित आवागमन के सुविधा मिलत हे। राज्य सरकार के लोक निर्माण विभाग ह पुल के काम 25 फरवरी 2019 के पूरा कर लेहे हे अऊ रेल्वे ह अपन पुल ल 5 जून 2020 को पूरा करिस। लोक निर्माण विभाग अऊ रेल्वे ल मिलाके बने पुल के कुल लागत 76 करोड़ 81 लाख रूपिया हे। आरओबी के कुल लम्बाई करीबन 2.4 किलोमीटर अऊ चौड़ाई 12.90 मीटर हे।