रायपुर, 26 दिसम्बर 2023। मुख्यमंत्री श्री विष्णु देव साय ले आज इहां राज्य अतिथि गृह पहुना म श्री सुदर्शन संस्थानम के सदस्य मन ह सौजन्य मुलाकात करिन। उमन मुख्यमंत्री ल राजधानी रायपुर के श्री सुदर्शन संस्थानम शंकराचार्य आश्रम रावांभाठा म आयोजित हिन्दूराष्ट्र धर्मसभा म सामिल होए बर नेवता दीन। मुख्यमंत्री श्री साय ह संस्थान के सदस्य मन ल नेउते बर धन्यवाद दीन।
जानबा हे कि धर्म गुरु गोवर्धन मठ पुरी पीठाधीश्वर जगद्गुरु शंकराचार्य स्वामी श्री निश्चलानंद सरस्वती जी महाराज के सान्निध्य म धर्मसभा के आयोजन रावांभाठा म करे जात हे। ये बेरा म श्रीमती सीमा तिवारी, श्रीमती चित्ररेखा साहू, श्री टीकाराम साहू अऊ श्री चंदेश्वर पटेल घलोक उपस्थित रहिन।