1370 लइका मन के कराए गीस स्वर्णप्राशन
राष्ट्रीय आयुष मिशन के अंतर्गत हर पुष्य नक्षत्र तारीक म 0-16 साल के लइका मन ल कराए जात हे स्वर्णप्राशन
रायपुर, 3 अगस्त 2024। दिन भर सरलग बारिस अऊ झड़ी के बीच आज स्वर्णप्राशन बर अभिभावक बड़ संख्या म लइका मन ल लेके रायपुर के आयुर्वेद महाविद्यालय चिकित्सालय पहुंचिन। लइका मन के व्याधिक्षमत्व, पाचन शक्ति, स्मरण शक्ति, शारीरिक शक्ति वर्धन अउ रोग ले बचाव बर इहां आज 1370 लइका मन ल स्वर्णप्राशन कराए गीस। आयुर्वेद महाविद्यालय चिकित्सालय के कौमारभृत्य विभाग कोति ले हर पुष्य नक्षत्र तारीक म शून्य ले 16 साल के लइका मन ल स्वर्णप्राशन कराए जाथे। स्वर्णप्राशन के संगेच डॉ. लवकेश चंद्रवंशी ह लइका मन के स्वास्थ्य के परीक्षण घलोक करिन।
शासकीय आयुर्वेद महाविद्यालय चिकित्सालय परिसर म आयुष विभाग के संचालक सुश्री इफ्फत आरा, प्राचार्य प्रो. डॉ. जी.आर. चतुर्वेदी, चिकित्सालय अधीक्षक प्रो. डॉ. प्रवीण कुमार जोशी अऊ कौमारभृत्य विभागाध्यक्ष प्रो. डॉ. नीरज अग्रवाल के निर्देशन म स्वर्णप्राशन कराए गीस। स्वर्णप्राशन समन्वयक डॉ. लवकेश चन्द्रवंशी ह बताइस के लइका मन के सर्वांगीण विकास बर ये अड़बड़ लाभदायक हे। महाविद्यालय के स्नातकोत्तर अउ स्नातक छात्र-छात्रा मन हरेक महीना ये मां महत्वपूर्ण योगदान देवत हे। आयुर्वेद महाविद्यालय चिकित्सालय कोति ले ए साल के आन पुष्य नक्षत्र तिथि मन म 25 जनवरी के 1235, 21 फरवरी के 1420, 18 मार्च के 1720, 16 अपरेल के 1410, 13 मई के 1256, 10 जून के 1802 अऊ 8 जुलाई के 1342 लइका मन के स्वर्णप्राशन कराए गए रहिस।
