मुख्यमंत्री श्री विष्णुदेव साय संकुल स्तरीय मेगा पालक-शिक्षक सम्मेलन ग्राम बंदरचुआँ म होइन सामिल

रायपुर, 06 अगस्त 2024। मुख्यमंत्री श्री विष्णुदेव साय आज जशपुर जिला के शासकीय उच्चतर माध्यमिक विद्यालय बंदरचुआँ म संकुल स्तरीय पालक-शिक्षक सम्मेलन म सामिल होइन अऊ राष्ट्रीय शिक्षा नीति उपर शिक्षक मन ले चर्चा करिन। बैठक म बंदरचुआं स्कूल के शिक्षक, लइका अऊ पलक मन ले मुख्यमंत्री श्री साय ह परखर गोठ बात करिन। ए बेरा म ऊंखर संग उंखर धर्मपत्नी कौशल्या साय घलोक मौजूद रहिन। स्कूल म लइका मन ह प्रदर्शनी लगाए रहिन जेखर अवलोकन मुख्यमंत्री ह करिन। लइका मन ह शिक्षा डिजिटल एप्प के संदर्भ म मुख्यमंत्री श्री साय ल जानकारी दीन। लइका मन ले गोठ बात करत मुख्यमंत्री ह लइका मन ल बने सहिन पढ़ई के संग खेल अऊ आन शैक्षणिक गतिविधि मन म घलोक सामिल होए के बात कहिन। एखर संगेच उमन अभिभावक मन ले लइका मन के शैक्षणिक विकास अऊ स्कूल के माध्यम ले मिलत शिक्षा के गतिविधि मन के संग गांव के विकास के बात करत लइका मन के उज्जवल भविष्य के कामना करिन।