रायपुर, 5 जुलाई 2024। लइका तो मन के सच्चा होथे अऊ ये बिल्कुल गीला माटी के जइसे होथे। आप ए मन ल जऊन रूप म आकार देना चाहत हव, दे सकत हव। मुख्यमंत्री श्री विष्णुदेव साय कुम्हार के चाक म हाथ चलात राज्य स्तरीय शाला प्रवेश उत्सव म शायद इही संदेश देवत रहिन। जशपुर जिला म अपन गृहग्राम बगिया म मुख्यमंत्री श्री साय ह अपन पत्नी श्रीमती कौशल्या देवी साय के संग कार्यक्रम स्थल म चाक म न सिरिफ हाथ आजमाइन भलुक गीला माटी ले दीया बनाके मौका म उपस्थित लइका अऊ अभिभावक मन ल अलग-अलग संदेश दीन के गीला माटी जइसे लइका मन घलोक कोमल होथें अऊ ओ मन ल कोनो रुप म ढाले जा सकत हे। उमन दीया बनाके अँधियार ल दूर करे म दीया के उपयोगिता ल तको बताइन।
ए बेरा म बगिया म कार्यक्रम स्थल म लगाए एक-एक स्टाल के मुख्यमंत्री श्री साय ह अवलोकन करिन। उमन लइका मन कोति ले तैयार मॉडल मन ल देखके उंखर सराहना करिन अऊ ओ मन ल प्रेरित घलोक करिन।