‘‘अरपा पैरी के धार‘‘ के प्रस्तुति के संग होइस कार्यक्रम के सुरुआत
रायपुर, मुख्यमंत्री श्री भूपेश बघेल ह आज बिलासपुर जिला के बेलतरा विधानसभा म शासकीय नवीन महाविद्यालय भवन निर्माण ह भूमिपूजन करिस। ए अवसर म राजस्व मंत्री अउ जिल्क्क के प्रभारी मंत्री श्री जयसिंह अग्रवाल, संसदीय सचिव श्रीमती रश्मि आशीष सिंह, अध्यक्ष अपेक्स बैंक श्री बैजनाथ चंद्राकर, अध्यक्ष जिला पंचायत श्री अरुण चौहान, पर्यटन मंडल के अध्यक्ष श्री अटल श्रीवास्तव, मुख्यमंत्री के सलाहकार श्री प्रदीप शर्मा, उच्च शिक्षा विभाग के अतिरिक्त संचालक श्री प्रवीण पांडे सकेत अन्य जनप्रतिनिधि अउ अधिकारी गण उपस्थित रहिस हे।
मुख्यमंत्री श्री बघेल ह कार्यक्रम ल संबोधित करत हुए नवीन महाविद्यालय ब क्षेत्रवासी मन ह शुभकामना दीस अउ कहिस कि अकलतरी गांव म नरवा, गरुवा, घुरवा, बाड़ी, गोधन न्याय योजना, रीपा जइसे जम्मो योजना के अबड़ बढ़िया क्रियान्वयन करे जाथ हे। जेकर से आमजन लाभांवित होथ हे। महिला मन आत्मनिर्भर बनत हे। इ प्रकार अकलतरी म उच्च शिक्षा के विकास ब नवीन महाविद्यालय प्रारम्भ करे जाथ हे। महाविद्यालय प्रारम्भ होए ले आस पास के लईका मन उच्च शिक्षा गांव म ही प्राप्त कर सकही। ओ ह कहिस कि शिक्षा मानव जीवन म महत्वपूर्ण भूमिका निभाथे, जेकर से मानव उन्नति के रद्दा म अग्रसर होथे।
गौरतलब हे कि शासकीय महाविद्यालय भवन निर्माण ब ग्राम अकलतरी म 10 एकड़ भूमि आबंटित करे गए हे। महाविद्यालय निर्माण ब डीएमएफ मद ले प्रारंभिक चरण के अंतर्गत कुल 71 लाख रुपिया के प्रशासकीय स्वीकृति प्रदान करिस हे।
अकलतरी म महाविद्यालय प्रारम्भ होए ले आस पास के 25 गाँव के लगभग 500 ले जादा विद्यार्थी लाभांवित होही। ओमन ल उच्च शिक्षा न सीपत, रतनपुर, बिलासपुर जईसे शहर नई जाए ल पडे़। राज्य शासन कती ले क्षेत्र के विद्यार्थि मन के उच्च शिक्षा ब सहूलियत दिए ब अकलतरी म नवीन महाविद्यालय प्रारम्भ करे जाथ हे। शैक्षणिक सत्र 2023-24 ले कॉलेज प्रारंभ हो जाही।महाविद्यालय म सत्र प्रारम्भ करे ब उच्च शिक्षा विभाग कती के स्टॉफ के नियुक्ति तको करे जाथ हे। जेमा 6 प्राध्यापक, 1 प्राचार्य 3 लैब टेक्नीशियन, क्लर्क भृत्य समेत 12 पद शामिल हे। महाविद्यालय म ए सत्र ले कला, विज्ञान, वाणिज्य जईसे 3 संकाय प्रारम्भ करे जाही।