- मुख्यमंत्री श्री बघेल के निर्देश म छ.ग. भवन अउ आन सन्निमार्ण कर्मकार कल्याण मण्डल ह सबो जिला मन बर जारी करिस राशि
- मण्डल ह संकटग्रस्त अऊ जरूरतमंद पंजीकृत श्रमिक मन के भोजन, ठहरे, चिकित्सा, परिवहन संग आन सुविधा मन बर दीन राशि
रायपुर, 31 मार्च 2010। मुख्यमंत्री श्री भूपेश बघेल के हुकुम म राज्य शासन के श्रम विभाग कोति ले संकटग्रस्त अऊ जरूरमत श्रमिक मन के सहायता बर 3 करोड़ 80 लाख रूपिया के राशि जारी करे गए हे। ये राशि छत्तीसगढ़ भवन अउ आन सन्निमार्ण कर्मकार कल्याण मण्डल कोति ले प्रदेश के सबो जिला मन ल जारी करे गए हे।
ये राशि के उपयोग नोवेल कोरोना वायरस (कोविड-19) ले उत्पन्न परिस्थिति मन म छत्तीसगढ़ भवन अउ आन सन्निमार्ण कर्मकार कल्याण मण्डल के संकटग्रस्त अऊ जरूरतमंद पंजीकृत श्रमिक ल तत्कालिक सहायता जइसे ऊंखर भोजन, अस्थायी रूप ले ठहरे के व्यवस्था, चिकित्सा, परिवहन, दुर्घटना आदि म आवश्यकता के मुताबिक ओ मन ल सहायता करे उपर खरचा करे जाही।
मण्डल कोति ले जारी राशि म रायपुर, बलौदा-बजार, बिलासपुर, महासमुन्द, कोरबा, जांजगीर-चांपा, रायगढ़, बस्तर, सरगुजा, दुर्ग अऊ राजनांदगांव के सहायक श्रमायुक्त ल 20-20 लाख रूपिया जारी करे गए हे। अइसनहे गरियाबंद, धमतरी, मुंगेली, कोण्डागांव, कांकेर, दंतेवाड़ा, सुकमा, नारायणपुर, बीजापुर, सूरजपुर, बलरामपुर, कोरिया, जशपुर, बालोद, बेमेतरा अऊ कवर्धा के श्रम पदाधिकारी ल 10-10 लाख रूपिया के राशि जारी करे गए हे।