मानदेय म होइस बढ़ोत्तरी, सरकारी वकील मन के प्रतिनिधि मण्डल ह करिस मंत्री मोहम्मद अकबर ले मुलाकात

रायपुर, प्रदेश के विधि-विधायी कार्य मंत्री मोहम्मद अकबर ले ऊंखर शंकर नगर स्थित निवास कार्यालय म सरकारी वकील मन के प्रतिनिधि मण्डल ह मुलाकात करिन। उमन सरकारी वकील मन के मानदेय म बढ़ोत्तरी बर पहल करे म विधि-विधायी कार्य मंत्री के अभिनंदन करके ओ मन ल चिन्‍हारी देके उंखर सम्मान करिन। सरकारी वकील मन के मानदेय म 12 बछर म बढ़ोत्तरी होए हे। सरकारी वकील मन ह मानदेय म बढ़ोत्तरी बर पहिली मुख्यमंत्री श्री भूपेश बघेल ल सम्मानित करे रहिन। लोक अभियोजक, रायपुर, श्री के.के. शुक्ला के सियानी म आज सरकारी वकील मन के प्रतिनिधि मंडल विधि मंत्री ले मिले रहिन उंकर संग श्री के.के. शुक्ला, आदित्य झा, मनोज वर्मा, राघवेन्द्र सिंह, अरविन्द सिंह चीमा, विजय भोई, विजय लांजे, मोहन साहू, हामिद हुसैन, सुश्री यास्मिन बेगम, सुश्री शमीम परवीन, मौरिसा नायडू आदि सामिल रहिन।