- उद्योगपति मन ले वन आधारित उद्योग लगाय के करिन आह्वान
- राज्य सरकार के पहल ल उद्योगपति मन ह सहराईन
रायपुर, 04 अकटूबर 2020। मुख्यमंत्री श्री भूपेश बघेल ह कहे हें के राज्य सरकार छत्तीसगढ़ के वनांचल क्षेत्र मन म वन आधारित उद्योग लगाय बर उद्यमी मन ल हर संभव मदद देही। उमन राज्य के उद्यमी मन ले एखर बर आगू आए के आह्वान करे हें। मुख्यमंत्री श्री भूपेश बघेल आज अपन निवास कार्यालय म उद्योगपति अऊ कई ठन औद्योगिक संगठन के पदाधिकारी मन ले राज्य म वन आधारित औद्योगिक इकाई मन के स्थापना ल लेके आयोजित बैठक म चर्चा करत रहिन। मुख्यमंत्री ह राज्य म भरपूर वन संपदा के समुचित दोहन अऊ एखर जरिए स्थानीय मनखे मन ल रोजगार ले जोड़े बर राज्य म वन आधारित औद्योगिक इकाई मन के स्थापना म राज्य सरकार कोति ले हर संभव सहयोग देहे के बात कहिन।
ये मौका म उद्योगपति मन ह कई ठन सेक्टर के उद्योग मन ल बढ़ावा देहे के संबंध म मुख्यमंत्री के ध्यान आकर्षित करिन अऊ अपन मांग रखिन। उद्योगपति मन ह मुख्यमंत्री ल नवा उद्योग मन के स्थापना के संबंध म अपन प्रस्ताव घलोक दीन। बैठक म अपर मुख्य सचिव श्री अमिताभ जैन, उद्योग विभाग के प्रमुख सचिव श्री मनोज पिंगुवा, मुख्यमंत्री के सचिव श्री सिद्धार्थ कोमल परदेशी संग आन अधिकारी उपस्थित रहिन।