राज्यपाल के गोद ग्राम टेमरी के ग्रामीण मन ह करिन लोकभवन के भ्रमण

रायपुर, राज्यपाल रमेन डेका के पहल म लोकभवन के काम-काज ले आम मनखे मन ला जोड़े के उदेस्य ले लोकभवन के भ्रमण कराय जात हवय। इही कड़ी म बेमेतरा जिला के ग्राम टेमरी के जनप्रतिनिधि मन, स्व-सहायता समूह के सदस्य मन अउ दूसर ग्रामीण मन ह सरपंच श्री शिवमूर्ति कोसले अउ बिहान स्व-सहायता समूह के प्रमुख सुश्री गीता बंजारे के संग आज लोकभवन के भ्रमण करिन।
ग्रामीण मन ला लोकभवन परिसर म बने छत्तीसगढ़ मंडपम, उदंती परिसर, कन्हार परिसर, डिस्पेंसरी, सचिवालय के अलग-अलग साखा मन अउ हरियर बगइचा के सैर कराय गीस अउ ए जम्मो जगह मन के बारे म ओमन ला विस्तार ले जानकारी घलो देहे गीस। ग्रामीण मन ह परिसर म रखे तोप ला घलो देखिन, जेकर उपयोग बछर 1971 के भारत-पाकिस्तान लड़ाई के बखत करे गे रहिस।
घूमे अउ देखे के बाद ग्रामीण मन बताइन के लोकभवन आके ओमन ला बहुत आनंद मिलत हवय। बता दन के ए गांव ला राज्यपाल श्री डेका ह गोद ले हवय।