- मोला आप मन उपर गरब हे, मैं आप मन के जज्बा ल सलाम करत हंव: सुश्री उइके
कोविड -19 ले बचाव बर करे जात काम मन के संबंध म करिन चर्चा
रायपुर, 21 अप्रैल 2020। कोविड संकट के ये दौर म पुलिस कर्मी मन ह लाकडाउन ल सफल करे म बड़ा काम करे हें। महिला पुलिसकर्मी मन के अइसन काम करत हें जऊन बहुतेच उलटा हालत म घलोक अपन काम करत हें। राज्यपाल सुश्री अनुसुईया उइके ह अइसने महिला पुलिसकर्मी मन ल अऊ फील्ड म अच्छा काम करत पुलिस अधिकारी मन ल फोन लगाइन। एखर बर शुरूआत पुलिस महानिदेशक श्री डी.एम. अवस्थी ले करिन जिंकर नेतृत्व म पुलिस विभाग ह लाकडाउन के समय कानून अउ व्यवस्था के स्थिति ल बढि़या रखे के सुग्घर काम करे हें। फेर उमन महिला पुलिस अधिकारी मन ले बात करिन। राज्यपाल ह कहिन के आप मन के आगू दुनों मोर्चा म चुनौती हे आप मन ल घर घलोक देखना हे अऊ बाहिर म कोविड नियंत्रण के काम घलोक देखना हे। एकर आप मन अतका संतुलित रद्दा अपनाए हव के हमला आप मन म गर्व होथे। आप मन के कर्तव्यपरायणता के समाचार जब सुने ल मिलथे त मैं अभिभूत हो जाथंव। आप मन के जजबा ल सलाम करे मैंने आप मन ल फोन लगाए हंव।
