रेडक्रॉस के उद्देश्य मानवता के सेवा – राज्यपाल श्री हरिचंदन

राजभवन म विश्व रेडक्रॉस दिवस म कार्यक्रम आयोजित
रायपुर, राजभवन म आज राज्यपाल श्री विश्वभूषण हरिचंदन के अध्यक्षता म विश्व रेडक्रॉस दिवस के अवसर म कार्यक्रम आयोजित करे गईस। कार्यक्रम म प्रधानमंत्री टी.बी. मुक्त भारत अभियान के तहत सक्रिय रूप ले कार्य करे वाले नि-क्षय मित्र अउ जिला के जिलाधीश मन ल सम्मानित करे गईस। ए अवसर म रक्तदान शिविर तको आयोजित करे गईस। संग ही रेडक्रॉस सोसायटी छत्तीसगढ़ के वेबसाइट के लोकार्पण घलो करे गइस।
ए अवसर म राज्यपाल श्री हरिचंदन ह कहिस कि रेडक्रॉस सोसायटी कती ले मानवता के सेवा के महत्वपूर्ण कार्य करे जाथ हे। ओ ह कहिस कि रेडक्रॉस के स्वयं सेवक युद्ध, महामारी चाहे प्राकृतिक आपदा के स्थिति म बिना कोनो भेद-भाव के जम्मो झना के सेवा करथे। राज्यपाल श्री हरिचंदन ह कहिस कि भारतीय रेडक्रॉस सोसायटी के छत्तीसगढ़ इकाई, स्वास्थ्य अउ सामाजिक क्षेत्र म सराहनीय कार्य करत हे । रेडक्रॉस कती ले स्वैच्छिक रक्तदान शिविर, आयोजित करे के संग ही गरीब मरीज के इलाज ब राशि, दिव्यांग मरीज ल निःशुल्क सहायक उपकरण वितरण करे जाथ हे। कोविड के घानी रेडक्रॉस ह जेन कार्य करिस ओ ह अतुलनीय हे। रेडक्रॉस के कार्यकता मन ह फ्रण्ट लाइन वर्कर बन के काम करे रहिस हे। ओ ह कलेक्टर ल महाविद्यालय के विद्यार्थि मन ल रेडक्रॉस म जादा ले जादा संख्या म जोडे़ के आव्हान घलो करिस।
विश्व रेडक्रॉस दिवस के अवसर म राजभवन म स्वैच्छिक रक्तदान शिविर के आयोजन करे गए रहीस हे। जेमा 60 झन रक्तदाता मन ह उत्साह के संग रक्तदान करिस, मानवता के सेवा ब अपन योगदान दिस। राज्यपाल ह शिविर के अवलोकन करिस अऊ रक्तदान करे वाले मन करा बातचीत कर के ओमन के मनोबल घलो बढ़इस।