विद्यार्थी अपन ज्ञान अउ कौशल के उपयोग राज्य अउ देश के निर्माण म करव: मुख्यमंत्री श्री भूपेश बघेल
आई.आई.आई.टी. नवा रायपुर के ‘‘तृतीय दीक्षांत समारोह होइस सम्पन्न
रायपुर, नेहा राठौर के खबर/ राज्यपाल श्री विश्वभूषण हरिचंदन आज डॉ. श्यामाप्रसाद मुखर्जी आई.आई.आई.टी. नवा रायपुर के ‘‘तृतीय दीक्षांत समारोह म मुख्य अतिथि के रूप म संघरे रहिन हे। राजभवन ले राज्यपाल समारोह म वर्चुअल(आनलाइन माध्यम) तरीका ले सम्मिलित होईन। ए अवसर ओ ह जम्मो पदक अउ उपाधि पवइया विद्यार्थि मन ल उज्जवल भविष्य के सुभकामना दीहिस अउ कहिस के जम्मो विद्यार्थी मन राष्ट्र के सेवा म अव्वल रहा।
ट्रिपल आईटी नवा रायपुर के निदेशक डॉ. प्रदीप के. सिन्हा ह ए अवसर म संस्थान के प्रतिवेदन प्रस्तुत करिस। ओ ह कहिस के उद्योग ल जइसना जरूरत ओकर हिसाब ले संचालित करे गए अध्ययन-अध्यापन के पाठ्यक्रम के सेती पिछला चार बछर म ए संस्थान के शत्-प्रतिशत विद्यार्थि मन ल देश-विदेश के प्रतिष्ठित संस्थान मन म प्लेसमेंट मिलिस हे। इहां शिक्षा के संग अनुसंधान कार्य तको संचालित करे जाथ हे। ट्रिपलआईटी कोती ले रिसर्च ब इंदिरा गांधी कृषि विश्वविद्यालय, एम्स, माइक्रोसाफ्ट, डीआरडीओ जइसे अनेक प्रतिष्ठित संस्थान मन के संग एमओयू करे गए हे। ए अवसर म ट्रिपलआईटी बोर्ड के सदस्य, संस्थान के शिक्षक अउ विद्यार्थी बड़ संख्या म उपस्थित रहिन हे।