धमतरी, 15 मार्च 2020। प्रदेश के राज्यपाल सुश्री अनुसुइया उइके ह अपन दू दिन के धमतरी दौरा के बेरा म आज आंगनबाड़ी केंद्र मरादेव (गंगरेल) के अदुपहा जांच करिन। उमन आज मंझनियाँ आंगनबाड़ी केंद्र मरादेव पहुंचके नौनिहाल लइका मन ले चिटिकुन भेंट करिन अऊ उंखर से बोठ-बात घलोक करिन.
ये बेरा म केन्द्र म उंहा कुपोषित लइका हर्षिता, दुलेश अऊ उर्वशी अ उ एनीमिक महिला श्रीमती प्रतिभा, श्रीमती सोहद्रा ल राज्यपाल महोदया ह सुपोषण टुकनी अपन हाथ ले भेंट करिन अऊ खानपान उपर ध्यान देहे के सलाह तको दीन। ये बेरा म कलेक्टर श्री रजत बंसल ह राज्यपाल सुश्री उइके ल बताइन के सुपोषण अभियान म जिला के कुपोषित अउ एनीमिक महिला मन ल रोजेच गरम भोजन अउ अंडा देहे जात हे। ये बेरा म राज्यपाल के सचिव श्री सोनमणि बोरा, पुलिस अधीक्षक श्री बी.पी. राजभानू, मुख्य कार्यपालन अधिकारी जिला पंचायत श्रीमती नम्रता गांधी, जिला कार्यक्रम अधिकारी श्री नायक प्रमुख रूप ले उपस्थित रहिन।