रायपुर, 2 अकटूबर 2024। छत्तीसगढ़ के राज्यपाल श्री रमेन डेका ह आज नवा दिल्ली के छत्तीसगढ़ भवन म आयोजित एक कार्यक्रम म राष्ट्रपिता महात्मा गांधी अऊ पूर्व प्रधानमंत्री लाल बहादुर शास्त्री के जयंती म ओ मन ल नमन करिन। ए मौका म राज्यपाल ह महापुरुष मन के छायाचित्र उपर पुष्पांजलि अर्पित करके ऊंखर आदर्श मन ल सुरता करिन।
राज्यपाल ह अपन संदेश म कहिन के भारतीय स्वतंत्रता संग्राम के शीर्ष पुरुष ‘‘राष्ट्रपिता‘‘ महात्मा गांधी जी के जम्मा जीवन हमला सरलता अऊ अहिंसा के सीख देथे। ऊंखर अनमोल विचार हम सबो ल सन्मार्ग देखवत रइही। उमन कहिन हमला ऊंखर आदर्श ल अपन व्यवहार अऊ आचरण म उतारे के जरूरत हे।
राज्यपाल ह देश के दूसर प्रधानमंत्री लाल बहादुर शास्त्री ल घलोक सुरता करत कहिन उंखर सादगी अऊ ईमानदारी सब बर प्रेरणा हे। उमन शास्त्री जी के प्रसिद्ध नारा ‘‘जय जवान, जय किसान‘‘ के उल्लेख करत कहिन के उंखर जीवन आज घलोक सादगी अऊ निष्ठा के आदर्श के चिनहारी हे।
ए मौका म आवासीय आयुक्त श्रीमती श्रुति सिंह अउ आन अधिकारी घलोक उपस्थित रहिन।
छत्तीसगढ़ के राज्यपाल ह राष्ट्रपिता महात्मा गांधी अऊ लाल बहादुर शास्त्री ल करिन नमन
