राज्यपाल श्री डेका ह ब्रेल पुस्तक अउ ऑडियो बुक्स के करिन विमोचन

रायपुर, राज्यपाल श्री रमेन डेका ह आज इहां लोकभवन मं छत्तीसगढ़ के वीर अउ दिव्यांग महिला मन के सफलता के कहानी मन उप्पर आधारित दू ब्रेल पुस्तक अउ तीन हजार ले जादा कंटेंट ला सकेल के बनाए गए ऑडियो बुक्स के विमोचन करिन। ओ मन ऑडियो बुक्स बनाए म योगदान देवइया राज्य के अलग-अलग जिला के शिक्षक मन ला घलो सम्मानित करिन।
ए मौका म श्री डेका ह कहिन के ए पुस्तक मन के ब्रेल वर्जन बनाए के काम ह सहराए लइक हे। एकर बर ओ मन सबो ला बधाई दीन। श्री डेका ह कहिन के हमर समाज मं अइसन कतको गुमनाम हस्ती हे जे मन समाज बर अनुकरणीय काम करे हें, ओ मन ला प्रोत्साहन देहे जाना चाही। ओ मन कहिन के प्रधानमंत्री श्री नरेंद्र मोदी जी कोति ले दिव्यांगता अउ मानसिक स्वास्थ्य उप्पर जादा ध्यान देहे जात हे। समाज म सबो बर अलग-अलग चुनौती हे। दिव्यांगजन समाज के एक हिस्सा हरे अउ देश अउ समाज के विकास म ओ मन के महत्वपूर्ण योगदान हे। ओ मन कहिन के दिव्यांगजन बर सार्वजनिक जगा, अस्पताल मन म सुविधा, रैम्प निर्माण होना चाही।
श्री डेका ह ऑडियो बुक्स ल सहरावत एकर जादा ले जादा प्रचार-प्रसार करे बर कहिन ताकि प्रदेश के बाहर के दिव्यांगजन घलो एकर लाभ ले सकंय।
ए बेराम राष्ट्रीय शिक्षक पुरस्कृत सुश्री के. शारदा, श्रीमती प्रीति शांडिल्य अउ आन शिक्षक मन उपस्थित रहिन।