रायपुर, राज्यपाल श्री रमेन डेका ह कहिन के छत्तीसगढ़ आज हर क्षेत्र म तेजी से आगू बढ़त हे। उमन पढ़ईया लईका मन ले कहिन के सफलता खातिर मजबूत इच्छाशक्ति, अनुशासन अऊ समय के सदुपयोग जरूरी हे। राज्यपाल आज रायपुर म आयोजित ऑफ्ट विश्वविद्यालय के दीक्षांत समारोह म पढ़ईया लईका मन ल संबोधित करत रहिन। ए बेरा म उमन विश्वविद्यालय के प्रावीण्य सूची म सामिल 65 मेधावी पढ़ईया लईका मन ल स्वर्ण पदक अऊ 324 पढ़ईया लईका मन ल उपाधि दीन। श्री डेका ह कहिन के विद्यार्थी जीवन संघर्ष के तैयारी के समय हे, ते पाए के एक अइसन काम करव जऊन समाज म सकारात्मक बदलाव लाए। उमन सिनेमा, फोटोग्राफी अऊ फैशन डिजाइनिंग जइसे क्षेत्र मन म उज्ज्वल संभावना मनके उल्लेख करिन। उच्च शिक्षा मंत्री श्री टंकराम वर्मा ह कहिन कि शिक्षा के उद्देश्य मनखे ल नवाचार अऊ दायित्व के प्रति प्रेरित करना हे। कार्यक्रम म कुलाधिपति डॉ. संदीप मारवाह, विधायक पद्मश्री अनुज शर्मा अऊ आन गणमान्य उपस्थित रहिन।
छत्तीसगढ़ हर क्षेत्र म आगू बढ़त हे — राज्यपाल श्री रमेन डेका ह पढ़ईया लईका मन ल करिन प्रेरित
