छत्तीसगढ़ के राज्यपाल के रूप म श्री हरिचंदन के कार्यकाल ल एक साल पूरा होइस

रायपुर, 22 फरवरी 2024। राज्यपाल श्री विश्वभूषण हरिचंदन के छत्तीसगढ़ के राज्यपाल बतौर काली 23 फरवरी के एक साल पूरा होवत हे। ये छत्तीसगढ़ बर सौभाग्य के बात हे कि इहां उच्‍च संवैधानिक पद म साहित्यकार अऊ संवेदनशील मनखे राज्यपाल के रूप म आसीन हे। राजभवन के दरवाजा सबो बर खुला रहिथे। हर तबका, वर्ग अऊ समाज के मनखे राज्यपाल ले भेंट करे आथें अऊ संतुष्ट होके जाथ्‍ें। राज्यपाल ल छत्तीसगढ़ के मनखे बहुत सरल ,सहज लगथे अऊ ओ मन सबो ले आत्मीयता के संग मिलथें।
श्री हरिचंदन ह राज्यपाल अउ कुलाधिपति के पद संभाले के बाद कुलाधिपति के रूप म सबले पहिली राज्य के सबो विश्वविद्यालय मन के कुलपति मन के बैठक लीन अऊ ऊंखर विश्वविद्यालय मन के गतिविधि अउ समस्या मन के जानकारी लेके गुणवत्ता पूर्ण शिक्षा उपलब्‍ध कराए के निर्देश दीन। उंखर कहना हे कि दीक्षांत समारोह विद्यार्थी जीवन के महत्वपूर्ण पड़ाव होथे अऊ एसका प्रभाव उंखर भविष्य म घलोक परथे। ते पाए के सबो विश्वविद्यालय मन ल समय म दीक्षांत समारोह पूरा करना चाही। ऊंखर ए निर्देश के बाद राज्य के 11 शासकीय अऊ निजी विश्वविद्यालय मन म दीक्षांत समारोह आयोजित होइस अऊ लगभग 4 लाख पढ़ईया लईका मन ल कई ठन उपाधि अउ पदक प्रदान किरे गीस। कुलाधिपति के रूप म ओ मन पढ़ईया लईका मन ल राष्ट्र के सेवा करे अउ गरीब, शोषित अउ वंचित वर्ग बर काम करे बर प्रेरित करथें। उंखर मानना हे कि सर्वाधिक युवा मन के आबादी वाले ए देश के युवा मन ल सकारात्मक दिशा म ले जाना जरूरी हे।