राज्यपाल ह देश के सीमा म तैनात सैनिक अउ सुरक्षा बल ल दीन दीपावली के शुभकामना

रायपुर, 12 नवम्बर 2020। राज्यपाल अनुसुइया उइके ह देश के सीमा म अउ छत्तीसगढ़ समेत देश के विभिन्न भाग म तैनात सैनिक, अर्द्धसैनिक बल ल दीपावली पर्व के शुभकामना दीन हे। राज्यपाल ह कहिन हे कि जब पूरा देश दीपावली पर्व मनात हे तब हमार ये साथी देश के सुरक्षा म डटे हुए हे। उंखर बदौलत ही आज हमन अपन त्यौहार शांतिपूर्वक मना पावत हन। राज्यपाल ह सैनिक मन के परिजन मन ल घलो धन्यवाद दीन हे। अउ दीपावली पर्व के शुभकामना दीन हे। कहिन हे कि सैनिक मन अउ उंखर परिवार के ये योगदान अमूल्य हे।