जीपीएम जिला गोल्डन बुक ऑफ वर्ल्ड रिकार्ड म होइस सामिल

रक्त शक्ति महा अभियान म एके दिन म 51727 महिला मन के होइस एचबी जांच 
स्वास्थ्य मंत्री श्री श्याम बिहारी जायसवाल ह अभियान के सफलता पर  जिला प्रशासन ल दीस बधई
गौरेला पेंड्रा मरवाही, एनीमिया मुक्‍त भारत कार्यक्रम अऊ बेटी बचाओ-बेटी पढ़ाओ कार्यक्रम ल जिला म सामिल करत 26 जून के गौरेला पेंड्रा मरवाही जिला म चलाए गए रक्त शक्ति महा अभियान म एके दिन म जिला के 13 ले 45 साल आयु वर्ग के 51,727 महिला मन के हीमोग्लोबीन (एचबी) जांच कराए म जिला के नाम गोल्डन बुक ऑफ वर्ल्ड रिकार्ड म सामिल हो गए हे। गोल्डन बुक ऑफ वर्ल्ड रिकार्ड के स्टेट हेड श्रीमती सोनल राजेश शर्मा ह आज एसेम्बली हॉल मल्टीपरपज स्कूल पेण्ड्रा म आयोजित प्रेस कॉन्फ्रेंस म एखर घोषणा करत जिला कलेक्टर ल प्रमाण पत्र प्रदान करिस।
स्वास्थ्य मंत्री श्री श्याम बिहारी जायसवाल ह गोल्डन बुक ऑफ वर्ल्ड रिकार्ड म जिला के नाम दर्ज होए म ए उत्कृष्ट काम बर जिला प्रशासन ल शुभकामना अऊ बधाई देहे हे।  उमन कहिन के रक्त के कमी होए ले बहुत अकन समस्या होथे।  एचबी के सही जानकारी प्राप्त करे बर रक्त शक्ति महा अभियान ह बहुतेच महत्वपूर्ण भूमिका के निर्वहन करे हे।
जिला कलेक्टर श्रीमती लीना कमलेश मंडावी ह कहिस के ए अभियान म जिला स्तर ले लेके मैदानी स्तर के सबो विभाग मन के अमला के सेवा लेहे गीस। ए अभियान म जनप्रतिनिधि, सामाजिक संगठन अऊ मीडिया के घलोक सराहनीय सहभागिता रहिस। अभियान म मितानिन, आंगनबाड़ी कार्यकर्ता, स्व सहायता समूह के महिला, पंचायत सचिव, पटवारी, कोटवार, ग्रामीण कृषि विकास विस्तार अधिकारी मन ह ए उपलब्धि ल हासिल करे म महत्वपूर्ण योगदान करे हें।