नहर निर्माण काम के गुणवत्ता म एक पईसा के समझौता झन करव: श्री सिंहदेव

अम्बिकापुर, 13 अक्‍टूबर 2020। छत्तीसगढ़ शासन के पंचायत अऊ ग्रामीण विकास मंत्री श्री टीएस.सिंहदेव ह आज अम्बिकापुर जनपद पंचायत के ग्राम पंचायत फतेहपुर म 23 करोड़ 58 लाख रूपिया के लागत ले निर्माण होवईया श्याम घुनघुट्टा मध्यम परियोजना के जेउनी अऊ डेरी करार नहर के लाईनिंग अऊ रिमोडलिंग काम के भूमिपूजन करिन। ये बेरा म स्कूल शिक्षा मंत्री डॉ. प्रेमसाय सिंह टेकाम घलोक संग म रहिन। ये बेरा म फतेहपुर अऊ सुखरी के चार दिव्यांग मनखे मन ल मोटराईज्ड ट्राई साईकल, ग्राम सुखरी के जागृति महिला स्व सहायता समूह ल 3 लाख रूपिया अऊ सोनपुर खुर्द के जय मॉं लक्ष्मी महिला स्व सहायता समूह ल 2 लाख रूपिया के ऋण राशि के चेक अऊ 50 किसान मन ल बी-1 अऊ खसरा के नकल बांटे गीस।