जगदलपुर: नियद नेल्ला नार योजनांतर्गत कलेपाल म होए विकास कार्य मन के कलेक्टर ह करिन जांच

जगदलपुर, 01 मार्च 2024। कलेक्टर श्री विजय दयाराम के. बिरसपतवार के जिला के आखरी छोर म स्थित ग्राम पंचायत कलेपाल म नियद नेल्ला नार योजनांतर्गत सड़क निर्माण, विद्युत आपूर्ति, मोबाईल नेटवर्क टॉवर के स्थापना जइसे होए विकास कार्य मन के निरीक्षण करिन। गांव के देवी मंदिर के दर्शन करके गांव वाले मन ले चर्चा करत कलेक्टर ह कहिन कि शासन ह नियद नेल्ला नार योजना के तहत विकास अऊ आधारभुत संरचना मन के विकास उपर जोर देहे जात हे, इही कड़ी म गांव के सर्वांगीण विकास म ग्रामीणजन सहयोग करहीं त आन विकास काम मन के स्वीकृति दे जाही। उमन कालेपाल म पंचायत भवन, स्कूल भवन, आंगनबाड़ी केंद्र भवन निर्माण बर जमीन चिन्हांकित करे के निर्देश दीन। उमन कहिन कि मैं ह पाछू साल अगस्त महिना म गांव के दौरा करे रहेंव त सड़क, बिजली के व्यवस्था करे के बात कहे रहेंव, प्रशासन ह नियद नेल्ला नार योजना के तहत गांव वाले मन के सुविधा बर विकास काम मन ल गति देहे हे। विकास काम मन ल गति देहे म ग्रामीणजन के सक्रिय भागीदारी जरूरी हे।
कलेक्टर ह कहिन कि स्कूल मन म लइका मन के उपस्थिति सुनिश्चित करके शिक्षा ग्रहण करवावव। उमन स्कूल शिक्षा विभाग के अधिकारी मन ल गांव के लइका मन के सर्वे कर के जांच रिपोट देहे के निर्देश दीन। एखर अलावा उमन ग्राम म स्वास्थ्य परीक्षण, टीकाकरण के स्थिति, आयुष्मान कार्ड बनाए के स्थिति, महतारी वंदन योजना के आवेदन के स्थिति के संज्ञान लीन। उपस्थित सबो अधिकारी मन ह कलेपाल के गांव वाले मन ले विधानसभा निर्वाचन के समय गांव म ही बने मतदान केन्द्र म अपन मताधिकार के उपयोग करे बर बधाई दीन।
पुलिस अधीक्षक श्री शलभ सिन्हा ह कहिन कि नियद नेल्ला नार योजनांतर्गत गांव म आधारभूत संरचना मन के विकास के संग पुलिस जनता के सबो प्रकार के सहयोग बर हे। गांव के लइका मन ल अच्छा शिक्षा देवव,गांव के लइका नौकरी करही त गांव के तरक्की म घलोक ओखर योगदान होही। कलेपाल म होवत विकास म सहयोग करत पुलिस कोति ले गांव वाले मन के मनोरंजन बर टीव्ही अऊ सेटअप बॉक्स के व्यवस्था करे जाही। ए अवसर म जिला पंचायत सीईओ श्री प्रकाश सर्वे, एसडीएम तोकापाल श्री सुब्रत प्रधान, एसडीओपी श्री ऐश्वर्य, जनपद सीईओ श्री के.फाफा संग आन अधिकारी उपस्थित रहिन। अधिकारी मन ह उपस्थित गांव वाले मन अऊ लइका मन ल बिस्कुट अउ चॉकलेट बांटे गीस।
कलेक्टर श्री विजय अऊ पुलिस अधीक्षक श्री सिन्हा ह कलेपाल के सबो पारा म विद्युत आपूर्ति के घलोक निरीक्षण करिन। सुलेपारा के निवासी सुले के घर म मिले विद्युत व्यवस्था के जायजा ले के कलेक्टर ह हितग्राही ल बधाई दीस। हितग्राही सुले ह घर म मिले विद्युत आपूर्ति बर प्रशासन ल आभार व्यक्त करिस। जानबा हे कि जिला के अतिसंवेदनशील अऊ सुदूर ग्राम कलेपाल-बस्तर, दंतेवाड़ा अऊ सुकमा जिला के सीमा म स्थित हे। ए जगा के पहुँच मार्ग दंतेवाड़ा जिला के कटेकल्याण ब्लॉक ले होके जाथे।