मनरेगा के तहत ग्राम पंचायत सामरबार म करे गीस तालाब निर्माण
जलस्रोत बाढ़े के संग किसान अकतहा फसल के करत हे उत्पादन
जशपुर, 27 अगस्त 2024। मुख्यमंत्री श्री विष्णु देव साय कि संवेदनशीलता ले जिला के दुरस्तम क्षेत्र मन के घलोक विकास तेजी ले होवत हे। एखर बर कार्ययोजना बनाके लउहे काम करे जात हे। जेखर प्रत्यक्ष लाभ आम मनखे मन ल मिले लगे हे। शिक्षा, अधोसंरचना निर्माण अऊ जन स्वास्थ्य सुविधा संग सबो विभाग मन के कात म तेजी आए हे। इही कड़ी म रोजगार सृजन के संग कृषि क्षेत्र म एकर लाभ मिलय एखर बर मनरेगा के तहत ग्रामीण क्षेत्र मन म तालाब, सड़क निर्माण संग आन काम कराए जात हे।
जशपुर जिला मुख्यालय ले लगभग 105 किलोमीटर दूर ग्राम पंचायत सामरबार अनुसूचित जनजाति बाहुल्य क्षेत्र हे। पहिली बिरनी पोखर आदिवासी परिवार के निस्तारी के प्रमुख साधन रहिस। एखर अलावा ये तालाब पशु मन के पेयजल के स्त्रोत घलोक हे। महात्मा गांधी मनरेगा योजना ले नवीन तालाब निर्माण होए ले बरसात के पानी ले तालाब पूरा जइसे भरिस। एखर से निस्तारी अऊ सिंचाई बर भरपूर पानी के संगे-संग स्थायी स्रोत घलोक मिल गए हे। संगेच एखर से भू-जल स्तर घलोक सुधरत हे। तालाब के पानी के उपयोग कर के कंदरु राम पिता कलुवा राम अऊ सिंगरु राम पिता बिरना राम धान, मक्का टमाटर अऊ आन सब्जि मन के खेती करके आर्थिक लाभ प्राप्त करत हे।