ग्रामीण महिला मन स्व-सहायता समूह ले जुड़ के आर्थिक रूप ले होवत हे सशक्त

गोधन न्याय योजना आर्थिक सशक्तिकरण के दिशा म निभात हे महत्वपूर्ण भूमिका
योजना ले जुड़ के खैरागढ़ म महिला मन ह खातु बेच के अर्जित करिस 2 लाख 50 हजार रुपिया के लाभ
रायपुर,  27 जून 2023

छत्तीसगढ़ शासन के महत्वाकांक्षी गोधन न्याय योजना ग्रामीण महिला मन ल आर्थिक सशक्तिकरण के दिशा म अति महत्वपूर्ण योजना साबित होवत हे। ए योजना के सफल क्रियान्वयन होए ले ग्रामीण मन ल अपने घर म ही आर्थिक लाभ अर्जित करे के साधन मिलत हे। खास तौर म महिला मन ब गोधन न्याय योजना बने उपयोगी अउ लाभकारी साबित होवत हे। गौठान ले ग्रामीण अर्थव्यवस्था म सकारात्मक बदलाव त आते हे, स्व सहायता समूह के महिला मन घलो आर्थिक दृष्टिकोण ले सशक्त होवत हे।
    खैरागढ़-छुईखदान-गंडई जिला अंतर्गत विकासखंड छुईखदान के पथर्रा गांव म सिद्धि स्व सहायता समूह के महिला मन ह गोबर खरीदी अउ वर्मी कम्पोस्ट के निर्माण कर के बेचरी ले होए वाले लाभ के फलस्वरूप अबड़ कम समय म ही स्वयं ल आर्थिक रूप ले सशक्त अउ आत्मनिर्भर बनाइस हे। स्व सहायता समूह के महिला मन ह चरणबद्ध तरीका ले अभी तक लगभग 643 क्विंटल वर्मी कंपोस्ट अउ लगभग  65 क्विंटल सुपर कंपोस्ट के निर्माण करे हे। समुह के महिला मन दह कुल 67 हजार 560 किलोग्राम खातु बेचरी ले एमन ल लगभग 2 लाख 50 हजार रूपिया के आय अर्जित करे हे।
    रीपा (महात्मा गांधी ग्रामीण औद्योगिक पार्क) ले जुड़ के समूह के महिला मन मुर्गी पालन के बुता घलो करत हे। एकर से अर्जित आय के उपयोग ये महिला मन अपन खेती बारी अउ घरेलू बुता मन लगात हे। मुर्गीपालन से होवत आय ल देखत हुए दूसर स्थानीय ग्रामीण महिला मन घलो प्रोत्साहित हो के जीविका के नवा अवसर के डहर अपन कदम बढ़ात हे।
Success Stories
Neha Rathore