रायपुर, छत्तीसगढ़ खादी अउर ग्रामोद्योग बोर्ड कोति ले संचालित प्रधानमंत्री रोजगार सृजन कार्यक्रम के अंतर्गत राज्य म पाछू छै महिना म 6 हजार 248 मनखे मन ल रोजगार देवाए गए हे। राज्य म पाछू दिसम्बर महिना ले मई तक 781 इकाई स्थापित करे गए हे। एखर बर लाभान्वित मन ल 20 करोड़ दू लाख 82 हजार रूपिया के अनुदान दे गीस।
हम आप ल बता देवन के भारत सरकार के खादी अऊ ग्रामोद्योग आयोग कोति ले संचालित रोजगार सृजन कार्यक्रम योजना के अतंगर्त ग्रामोद्योग इकाई स्थापित करे जाथे। ये योजना के तहत सेवा क्षेत्र बर 10 लाख रूपिया अउ विनिर्माण क्षेत्र बर 25 लाख रूपिया लागत तक के परियोजना स्वीकृत करे जाथे। एखर बर सामान्य वर्ग के पुरूष हितग्राही ल 25 प्रतिशत अउ आन वर्ग अउ महिला मन ल 25 प्रतिशत के मार्जिन मनी अनुदान के रूप म उपलब्ध कराये जाथे।
योजना म सामान्य वर्ग के पुरूष हितग्राही ल 10 प्रतिशत अउ आन वर्ग अऊ सामान्य वर्ग के महिला हितग्राही ल 5 प्रतिशत खुद के अंशदान लगाना होथे। 65 प्रतिशत तक के बैंक ऋण स्वीकृत करे जाथे, जऊन ल 7 साल के आसान किस्त म ब्याज संग वापस करना होथे। खादी अऊ ग्रामोद्योग आयोग कोति ले नकारात्मक उद्योग जइसे तम्बाखू-नशा ले संबंधित उद्योग ल ए योजना म सामिल नइ करे जाए। www.kviconline.gov.in वेब साइट के माध्यम ले इच्छुक हितग्राही आवदेन कर सकत हें।