किसान के आय बढे के जरिया बनिस हरित डबरी, मेंढ़ म होत हे सब्जी के अच्छा पैदावार

रायपुर, 14 नवम्बर 2020। समय के संग खेती के पद्धति म निरंतर बदलाव होय हे, लोगन ह किसानी म घलो नवाचार ल प्रमुखता ले अपनाय हे। कृषि कार्य बर सर्वाधिक महत्वपूर्ण बात हे जमीन के उर्वरता, पानी के उपलब्धता नमी, फसल चक्र अउ खरपतवार ल रोके बर उचित प्रबंधन। वर्तमान म जिला म कृषि ले जुड़े अइसे ही कुछ नवाचार देखे ल मिलत हे जेमा किसान अतिरिक्त आय बर तरिया या डबरी के मेंढ़ म सब्जी के खेती करत हे। कृषि विभाग के प्रयास ले जिला म वर्तमान खरीफ वर्ष म तरिया या डबरी के मेंढ़ म खेती करे बर किसान मन ल प्रेरित करे गेहे। ये खेती म विशेष बात ये हे कि जिहा एक ओर बारिश के मौसम म निरंतर वर्षा होय ले जमीन म नमी ज्यादा होय के कारण सब्जी के खेती करना चुनौतीपूर्ण हो जाथे, उहें दूसइया ओर डबरी या तरिया के मेढ़ म वर्षा जल ह नई ठहरे जेखर ले सब्जी के खेती आसानी ले करे जा सकत हे। मेंढ़ म खेती करे ले नमी के उचित प्रबंधन संभव हो पात हे, अउ पैदावार बढ़त हे। हरित डबरी के अवधारणा ल साकार करत हुए कृषि विभाग ह किसान मन तक पहुंच के अमल म लाय हे।