रइपुर, 02 अप्रैल 2021शुकवार। क्राइम प्रकरण मन के संज्ञान म आए ले लउहे कार्रवाई बर गृह मंत्री श्री ताम्रध्वज साहू डाहर ले निर्देश मन के फलस्वरूप राजनांदगांव म लगभग अढ़ाई साल पहिली बहुचर्चित शुभम हत्याकांड के तीन आरोपी गिरफ्तार करे गे हे। गृह मंत्री प्रदेश म कानून व्यवस्था बनाए रखे के संग हत्या, लूट, मानव तस्करी, महिला मन के प्रति अपराध ले संबंधित घटना उन्कर संज्ञान म आवय त डीजीपी, आईजी अउ एसपी के संगे —संग विभाग के बड़का अधिकारी मन ल लउहे कार्रवाई के निर्देश देथे। उन्समन मय-समय म जिला अउ राज्य स्तरीय बैठका लेके क्राइम प्रकरण मन के समीक्षा अउ उन्कर निराकरण के निर्देश देवत रेहे हे।
गृह मंत्री के निर्देश म राजनांदगांव पुलिस ल शुभम हत्याकांड के आरोपी मन ल गिरफ्तार करके जेल भेजे म बड़का सफलता मिले हे। उल्लेखनीय हे कि सितम्बर 2018 म राजनांदगांव म शुभम नामदेव घायल मिले रिहिसे । इलाज बर अस्पताल ले जावत समे रास्ते म शुभम के मउत होगे रिहिसे। जेमा थाना लालबाग कोति ले हत्या के मामला कायम करके जांच म लिए गेहे रिहिसे। लगभग 300 लोगन ले पूछताछ अउ अढ़ाई हजार ले ज्यादा लोगन के कॉल डिटेल खंगाले के पीछू तको हत्या के संबंध में कोनो सुराग नइ मिल पाए रिहिसे। कोरोना संक्रमण के स्थिति सामान्य होने के पीछू कुछ संदेही मन के गुजरात के गांधीनगर म नार्कों अउ ब्रेन मेपिंग टेस्ट करवाए गइस। टेस्ट रिपोर्ट पॉजीटिव आए म गठित पुलिस अधिकारी मन के टीम ह टेस्ट रिपोर्ट के आधार म बारीकी ले पूछताछ बर संदेही मन ल पुनः तलब करे गइस। मनोवैज्ञानिक ढंग ले पूछताछ करे म तीन आरोपी मन अपन जुर्म कबूल कर लीन। अपराधी मन म नितिन लिम्बु उमर 40 बछर गौरी नगर, दिनेश माहेश्वरी उर्फ गोलू मारवाड़ी उमर 37 बछर किल्लापारा अउ मेघा तिवारी उमर 24 बछर सृष्टि कालोनी राजनांदगांव शामिल हवयं।
