गृह मंत्री श्री ताम्रध्वज साहू ह लीन राजधानी रइपुर के चंउक-चौराहा मन के निरीक्षण करके लॉकडाउन के जायजा

रइपुर, 18 अप्रैल 2021 इतवार। गृह मंत्री श्री ताम्रध्वज साहू ह आज राजधानी रइपुर के अबड़ अकन आने —आने चंउक-चौराहा मन के निरीक्षण करके लॉकडाउन के जायजा लीन। उन मन चेकिंग पॉइंट मन म तैनात पुलिस जवान मन ले चर्चा करीन अउ लॉकडाउन के स्थिति म उन्कर समस्या, छांवत्, पानी आदि के बारे म तको पूछताछ करीन। गृह मंत्री ह अतिआवश्यक बूता बर अवइया —जवइया लोगन मन संग उचित बेहवार करे बर अउ अनावश्यक रूप ले लोगन घर मन ले बाहिर झन निकलैं ये बात के समझाईस देहे बर कहीन ताकि कोरोना महामारी संक्रमण ल थाम्हे जा सकैं। गृह मंत्री श्री साहू ह अपन सिविल लाइन स्थिति निवास ले निकलके गांधी उद्यान, शंकर नगर चंउक, लोधीपारा, जय स्तंभ चंउक होवत टाटीबंध चंउक के निरिक्षण करीन। ये बेरा म अतिरिक्त पुलिस अधीक्षक ग्रामीण श्री तारकेश्वर पटेल, यातायात डीएसपी श्री सतीश ठाकुर घलो उपस्थित रिहिन ।