रायपुर, 19 जुलाई 2024। आधुनिक युग म महिला मन आत्मनिर्भर होके परिवार ल आर्थिक मदद घलोक करत हे। ग्रामीण क्षेत्र के महिला मन ल स्वरोजगार ले सरलग जोड़े जात हे। दन्तेवाड़ा जिला के ग्रामीण महिला मन राष्ट्रीय ग्रामीण आजीविका मिशन (बिहान) के प्रयास अब सार्थक होवत हे। कमला बैंक ले ऋण लेके किराना दुकान शुरू करिस अऊ आत्मविश्वास के चलते आगू बढ़त जात हे।
संवेदनशील मुख्यमंत्री श्री विष्णु देव साय महिला मन ल आत्मनिर्भर बनाए खातिर बहुत अकन योजना संचालित करत हें, जिनकर लाभ महिला मन उठाके अपन घरेलू काम-काज के अलावा स्वरोजगार ले जुड़त हें। खेती किसानी अऊ घर गृहस्थी के काम के अलावा उंखर एक अलग पहिचान बन गए हे। ये सब महिला मन के आर्थिक सशक्तिकरण ले ही संभव हे। अऊ एकरे बदौलत ही ओ मन लइका मन के शिक्षा-दीक्षा के खर्च अऊ परिवार के आन जरूरत पूरा करे म हाथ बंटावत हें। मुख्यमंत्री श्री विष्णु देव साय के सुशासन म महिला मन आगू बढ़त हें। ए क्रम म दन्तेवाड़ा जिला मुख्यालय ले 3 किमी दूरी म बसे ग्राम पंचायत बालूद म निवासरत श्रीमती कमला ठाकुर अउ ओखर परिवार अपन जीवन-यापन बर परंपरागत खेती ले ही जुड़े रहिस। फेर राष्ट्रीय ग्रामीण आजीविका मिशन (बिहान) के जरिये उमन दिव्या स्व सहायता के गठन करिन। ए समूह म सबो 10 महिला मन निर्धन परिवार ले संबंधित रहिन अऊ सबो महिला मन गृहिणी रहिन। ए महिला मन ल सी.आर.पी. दीदी मन के संग बिहान योजना के बारे म सम्पूर्ण जानकारी दे गइस।
समूह ले जुड़े के बाद श्रीमती कमला ठाकुर ह घर के काम अउ खेती के संगें-संग छोटे व्यवसाय करे के विचार करिस। ए प्रकार ले कुछ नवा करे के सोच के संग वो ह बिहान के माध्यम ले ही ग्राम संगठन के संग 1 लाख 20 हजार करजा प्राप्त करके किराना दुकान शुरू करिस, जेमां वोखर परिवार ह घलोक ओखर संग दीस अऊ एखर से समय ले ग्राम संगठन ले लेहे करजा ल ब्याज संग चुकता घलोक कर दीस। इही आत्मविश्वास के बलबूते वो ह अपन दुकान ल बढ़ाए के उद्देश्य ले फेर बैंक ले ऋण के रूप म 50 हजार रूपिया के राशि लेके अपन व्यवसाय ल सफलतापूर्वक आगू बढ़ावत हे। अपन आत्मनिर्भरता के सेती ले आज ओ ह अपन परिवार के जिम्मेदारी ल सुगमता ले निभावत हे। श्रीमती कमला ठाकुर ह कहिस के बिहान ले जुड़े के बाद ही वोखर पूरा जिंदगी म बदलाव आए हे।