बोरवेल सैंड रिचार्ज फिल्टर ले होही वर्षा जल के संचयन
सरगुजा, जिला म जल संरक्षण अऊ भूजल स्तर बढ़ाए बर जिला प्रशासन कोति ले बोरवेल सैंड रिचार्ज फिल्टर योजना के शुरुआत करे गए हे। ए नवाचार के माध्यम ले वर्षा जल ल बर्बाद होए ले बचाके सीधा भूजल भंडारण म पहुँचाए जाही। कलेक्टर श्री विलास भोसकर के अगुवई म सबो शासकीय भवन, स्कूल, पंचायत परिसर अऊ सार्वजनिक जगा मन म ड्राई बोरवेल म बोरवेल सैंड रिचार्ज फिल्टर लगाए जात हे। ये विशेष फिल्टर रेत, चारकोल अऊ गिट्टी के परत ले बने रथे, जेन बारिश के पानी ल शुद्ध करके भूमिगत जलस्रोत म पहुँचाताथे। एखर से न केवल जलस्रोत मन के पुनर्भरण होही, बल्कि बोरवेल के उम्मर अऊ क्षमता घलोक बाढ़ही।
जिला म बारिश के पानी के जादा ले जादा उपयोग करके जल संकट ल दूर करे म ये तकनीक महत्वपूर्ण भूमिका निभाही। गांव वाले मन अऊ जनप्रतिनिधि मन ह ए पहल के स्वागत करे हें। ए जिला म जल संवर्धन के दिशा म मील के पत्थर साबित होही। वर्षा जल संचयन अऊ भूजल स्तर ल सुधारे बर सबो विभाग मन अऊ आमजन के सक्रिय भागीदारी ले वर्षा जल के हर बूंद संरक्षित करके भू-जल स्तर बढ़ाए के प्रयास करे जात हे।
भूजल संरक्षण के दिशा म सरगुजा जिला प्रशासन के नवा पहल
