दंतेवाड़ा, छत्तीसगढ़ म महिला सशक्तीकरण के अंजोर चारो मुड़ा अब बगरे लगे हे। वनांचल के इलाका मन म तो ये अंजोर बनेच बगरे लगे हे। समूह चलाए के संगें-संग महिला मन अब वो काम मन ल घलोक अपन जुम्मे म ले लेहे हें, जेमें पुरूष मन के एकाधिकार रहिस बड़े कारली गांव म गौठान परिसर के तीरेच म स्व-सहायता समूह के महिला मन सफलतापूर्वक ढाबा चलावत हें। बड़े कारली दंतेवाड़ा जिला के गीदम विकासखण्ड के एक पंचायत हे। महिला मन ह अपन ढाबा के नाम मनवा ढाबा रखे हें। समूह के महिला मन ढाबााके जेवन अतका सुग्घर हे के जेन एक पईत इहां खाए हे वो इहां घेरी-बेरी खाए बर आथे। ढाबा के संचालन करके ये महिला मन न सिरिफ आत्मनिर्भर होए हें, भलुक अब अपन परिवार ल बने सहिन मदद करे लगे हें। ढाबा चलात ये बहिनी मन ह अब तक 8 ले 10 लाख रूपिया तक के व्यवसाय कर डरे हें। जेखर से ओ मन ल डेढ़ लाख रूपिया के मुनाफा होय हे। ढाबा के सफलता ले खुस महिला मन जल्दीच टिफिन सर्विस शुरू करइया हें।
