नई दिल्ली, जे.एस.पी.एल. फाउंडेशन, जिंदल स्टील एंड पावर लिमिटेड के सी.एस.आर. शाखा ल प्लेटिनम श्रेणी म ग्रो केयर इंडिया सी.एस.आर. अवार्ड्स 2019 ले सम्मानित करे गीस। ये प्रतिष्ठित पुरस्कार ल जे.एस.पी.एल. के प्रबंध निदेशक श्री वी.आर. शर्मा ह संसद सदस्य अऊ गायक पद्मश्री हंस-राज-हंस ले 24 दिसंबर 2019 के ग्रो केयर इंडिया फाउंडेशन कोति ले नई दिल्ली म आयोजित एक कार्यक्रम म झोंकिन। जे.एस.पी.एल. फाउंडेशन ह भारत के कई राज्य मन म कॉर्पोरेट सामाजिक उत्तरदायित्व कार्यक्रम मन के प्रबंधन म उत्कृष्ट प्रदर्शन बर ये प्रतिष्ठित पुरस्कार जीते हे।
जे.एस.पी.एल. फ़ाउंडेशन के अध्यक्ष श्रीमती शालू जिंदल ह कहिन, “जे.एस.पी.एल. फ़ाउंडेशन अपन कई कार्यक्रम मन के माध्यम ले जिहां काम करे हे उहां पूरा अऊ सतत सामुदायिक विकास ल सुविधाजनक बनाए के उदीम करे हे। ये पुरस्कार निश्चित रूप ले हमला अऊ जादा जरूरतमंद अऊ वंचित समुदाय तक पहुंचे अऊ जीवन के गुणवत्ता म सुधार करे म योगदान करे बर प्रेरित करही।” उमन पुरस्कार बर जूरी मेंबर्स अऊ ग्रो केयर इंडिया फाउंडेशन ल धन्यवाद घलोक दीन। पुरूस्कार वितरण समारोह म, आन मनखे मन के संग पूर्व निदेशक-फ़ैक्टरीज, तेलंगाना श्री पी एम चंद्र मोहन, ग्रो केयर फ़ाउंडेशन के अध्यक्ष श्री राकेश द्विवेदी, ग्रोइंग फाउंडेशन के अध्यक्षा सुश्री कल्पना सिंह उपस्थित रहिन।
जे.एस.पी.एल. फाउंडेशन ओडिशा, छत्तीसगढ़ अऊ झारखंड म 550 गांव मन म स्वास्थ्य, शिक्षा, आजीविका विकास, बुनियादी ढांचा के निर्माण, कौशल विकास, महिला सशक्तिकरण अऊ संबंधित क्षेत्र मन के कई ठन कार्यक्रम मन ल लागू करत हे। अइसनहे सामाजिक विकास कार्यक्रम संयुक्त राष्ट्र के सतत विकास लक्ष्य मन के संग संरेखित हे, अऊ ये काम ले 18 लाख ले जादा मनखे मन बर जीवन जीए के गुणवत्ता म सुधार होय हे। हाले म जे.एस.पी.एल. ल अपन महिला सशक्तिकरण पहल बर एसोचैम कोति ले वुमेन अचीवर्स अवार्ड ले सम्मानित करे गए हे। जे.एस.पी.एल. फ़ाउंडेशन ह फिक्की सी.एस.आर. अवार्ड, एन.जी.ओ. बक्सा सी.एस.आर. इम्पैक्ट अवार्ड अऊ इंडिया सी.एस.आर. प्रोजेक्ट ऑफ़ द इयर अवार्ड, संस्था ह अपन सी.एस.आर. पहल बर पहिली महात्मा अवार्ड घलोक प्राप्त करे हे।