नारायणपुर, 05 अप्रैल 2020। लॉकडाउन के सेती कलेक्टर श्री पी एस एल्मा कोति ले आम नागरिक अउ संस्था मन ले जिला म दिहाड़ी मजदूर अऊ जरूरतमंद मनखे मन के आगू आके मदद के अपील करे गए रहिस। ये काम म ज़िला के व्यवसायी, नागरिक अऊ समाजसेवी संस्था मन के पूरा सहयोग मिलीस। समाजसेवी संस्था साथी के सहयोग ले ये ज़िला के किसान मन के संग परोसी ज़िला के किसान घलोक जरूरतमंद मन के मदद करत हें। आज कोंडागाँव कुम्हारपारा के किसान मन ह करीबन 12 क्विंटल हरियर साग सौंपिन। जेमां, तूमा, डोड़का, टिंडा, करेला, बरबट्टी, भांटा अऊ मिरचा, पताल घलोक रहिस।
राज्य शासन के हुकुम के मुताबिक जिंकर तिर राशन कार्ड नइ हे। वो जरूरतमंद मनखे मन बर घलोक राशन के व्यवस्था करे बर हर ग्राम पंचायत म दू क्विंटल चावल अऊ दाल उपलब्ध कराए गए हे। जेखर वितरण ज़रूरतमंद गाँव वाले मन ल करे जात हे। जिला प्रशासन कोति ले जिला म निवासरत दिहाड़ी मजदूर अऊ जरूरतमंद मनखे मन तक राशन खतम होए म तुरंते राशन के व्यवस्था अऊ भोजन के व्यवस्था घलोक कराए जात हे। जिला के पाँच राहत शिविर मन म भोजन के संगेच रहे अऊ रोज़मर्रा के चीज तेल, साबुन, बाल्टी, मग आदि उपलब्ध कराया जात हे, ए शिविर मन म 89 मनखे हे।
प्रशासन अऊ स्वंयसेवी संस्था कोति ले जिला म 436 ले जादा गरीब, मजदूर अऊ निराश्रित मन ल भोजन कराए जात हे। उहें 271 परिवार मन ल निःशुल्क राशन के वितरण करे गए हे। संगेच जिला के नागरिक अऊ स्वयंसेवी संस्था कोति ले 134 जरूरतमंद मन ल भोजन, खाद्यन्न अऊ आन सहायता देहे जात हे। ज़िला के रहवइया मन ल लॉकडाउन के बेरा म कोनो समस्या ण्न होवय एखर बर हेल्पलाइन नम्बर घलोक जारी करे गए हे। जिला प्रशासन, स्वयंसेवी संस्था अऊ नागरिक मन कोति ले कोरोना वायरस ले बचाव बर जागरूकता, मास्क वितरण अऊ सोशल डिस्टेंसिंग के महत्व ल घलोक बताए जात हे।
