जरूरतमंद मन के मदद करके अबड़े सुकून मिलथे : सुश्री उइके

रइपुर, 29 जुलाई 2021 बिरस्पत। राज्यपाल सुश्री अनुसुईया उइके के 29 जुलाई के छत्तीसगढ़ के राज्यपाल राहत दू बछर पूरे के बेरा म आज राजभवन परिवार ह ओला बधई अउ शुभकामना दींन। राज्यपाल सुश्री उइके ह ये बेरा म कहीन कि वोमन सौभाग्यशाली हवय कि ओला छत्तीसगढ़ के राज्यपाल बने के अवसर मिलीस। उन्मन कहीन कि मैंह पूरा भारत न घूमे हववं अउ ये महसूस करेवं कि छत्तीसगढ़ के लोगन मन जइसन अबड़ सहज अउ सरल लोगन कहूं नइ हे। ये दू बछर के कार्यकाल ल उन मन संतुष्टि भरे बतावत कहीन कि छत्तीसगढ़ के दूरदराज इलाका मन म तको ये संदेश गे हे कि राजभवन के दुवारी आम जनता बर तको खुल्ला हे। इहां अवइया लोगन मन ल नियाव के आसरा रहिथे अउ मै ओला हर संभव मदद करे के प्रयास करथौं। उन्कर सहायता करके मोला अड़बड़े सुकून मिलथे।
राज्यपाल सुश्री उइके ह कहीन कि छत्तीसगढ़ के जनता के बेहतरी बर शासन-प्रशासन के संग समन्वय ले बूता करई ल प्राथमिकता देथौं, जेकर ले छत्तीसगढ़ विकास के रद्दा म सरीदिन आगू रहय। राज्य म नक्सलवाद के समाधान शांतिपूर्ण तरीका ले गोठबात ले होवय, ये उन्कर कोशिश रहिही।संग म आदिवासी मन ल उन्कर हक देवाए बर तको उदीम करत रहिही। नियाव ले वंचित लोगन मन ल नियाव देवाना मोर मकसद हवय। वैश्विक महामारी कोविड-19 के दौर, देश-प्रदेश संग पूरी दुनिया बर डेरडेरावन रहिस, फेर सबो ह हिम्मत अउ आपसी समन्वय ले एकर मुकाबला करिस अउ आगू तको अइसनेहे मिलजुलके कोरोना ले लड़े के उपाय करिंगे।