प्रधानमंत्री श्री नरेन्द्र मोदी के अगुवई म जीएसटी सुधार के नवा दिशा : मुख्यमंत्री श्री विष्णुदेव साय ह जताइन आभार

रायपुर, मुख्यमंत्री श्री विष्णुदेव साय ह प्रधानमंत्री श्री नरेन्द्र मोदी के अगुवई म लेहे गे ऐतिहासिक जीएसटी सुधार मन के स्वागत करत कहिन हे के ये निर्णय भारत के कर प्रणाली ल आमजनता बर जादा सरल अऊ उद्योग-व्यापार बर प्रोत्साहनकारी बनाही।
मुख्यमंत्री श्री साय ह कहिन के आयकर म 12 लाख तक के छूट देहे के बाद अब जीएसटी दर म करे गए भारी कटौती ले रोज़मर्रा के ज़रूरत के जिनिस, खेती-किसानी के उपकरण, खाए-पीए के चीज़, दवइ, शिक्षा सामान, मनोरंजन के जिनिस, ऑटोमोबाइल अऊ इलेक्ट्रॉनिक उपकरण सस्ता हो गे हे। कई जरूरी वस्तु म टैक्स दर शून्य कर दे गए हे, जेखर से नागरिक मन के जीवन म सीधा लाभ पहुंचही।
उमन कहिन के नवरात्रि परब ले लागू होवइया ये प्रावधान प्रधानमंत्री जी के Ease of Doing Business अऊ Ease of Living के संकल्पना ल साकार करही। एखर से उद्योग-व्यापार ल नवा ऊर्जा मिलही अऊ देश के अर्थव्यवस्था ल गति मिलही।
मुख्यमंत्री श्री विष्णुदेव साय ह कहिन के छत्तीसगढ़ के तीन करोड़ जनता कोति ले प्रधानमंत्री श्री नरेन्द्र मोदी अऊ केंद्रीय वित्त मंत्री श्रीमती निर्मला सीतारमण के आभार व्यक्त करे हंव। ये निर्णय आम आदमी के जीवन ल सरल बनाए अऊ देश ल वैश्विक अर्थव्यवस्था के नवा ऊँचाइ तक ले जाय के प्रतिबद्धता के प्रमाण हे।