रायपुर, मुख्यमंत्री श्री विष्णु देव साय आज जीएसटी बचत तिहार के बीच उदुपहा जांच म देवपुरी के बजाज बाइक शोरूम पहुंचिन अऊ इहां मौजूद ग्राहक मन ले जीएसटी कटौती उपर मयारूक गोठ-बात करिन। उमन बाइक बिसाए आए संतोषी नगर के रहवइया श्री एम.डी. गुलाब ल वोखर नवा बाइक के चाबी सौंपीन। श्री गुलाब ह बताइस के जीएसटी म कटौती के बाद बाइक बिसाए म ओ ल 7 हजार रुपिया के बचत होए हे। वो ह कहिस, “मैं ह बजाज प्लेटिना 110 सीसी फटफटी बिसाए हंव, जेकर पहिली कीमत 89,000 रुपिया रहिस, जेन अब मोला 82,000 रुपिया म मिलीस।”
मुख्यमंत्री श्री विष्णु देव साय ह कहिन के प्रधानमंत्री श्री नरेन्द्र मोदी के अगुवई म लागू जीएसटी 2.0 ह आम जनता, किसान मन अऊ उपभोक्ता मन ल सही राहत देहे हे। ट्रैक्टर, हार्वेस्टर अऊ आन कृषि यंत्र मन के कीमत म आए कमी ले किसान मन ल सीधा लाभ होवत हे, जेखर से उंखर खेती-किसानी अऊ जीवनयापन अऊ सुगम होही। उमन कहिन कि ए जीएसटी बचत तिहार ले उपभोक्ता मन के जेब म बोझा कम होय हे अऊ तिहारी सीजन म परिवार मन के खुशि बाढ़े हे। ये सुधार आर्थिक गतिविधि मन ल गति देवत हे संगेच ग्रामीण अऊ शहरी दुनों क्षेत्र मन म उत्साह अऊ समृद्धि के नवा वातावरण घलोक बनावत हे।
