- नगरीय प्रशासन मंत्री टिकरापारा अऊ पेंशनबाड़ा छात्रावास म गुरू घासीदास जयंती कार्यक्रम म होइन सामिल
- छात्र-छात्रा मन ह दीन रंगारंग सांस्कृतिक कार्यक्रम के प्रस्तुति
रायपुर, नगरीय प्रशासन अऊ श्रम मंत्री डॉ. शिवकुमार डहरिया ह कहिन कि गुरू बाबा घासीदास जी समता, समरसता अऊ भाईचारा के चिनहारी हे। बाबा जी के जीवन, ऊंखर काम, अऊ ऊंखर उपदेश आज घलोक प्रासांगिक हे। डॉ. डहरिया ह कहिन कि मुख्यमंत्री श्री भूपेश के नेतृत्व म राज्य सरकार गुरू बाबा घासीदास के बताए रद्दा म चलके सामाजिक समरसता के संग काम करत हे। सबो वर्ग अऊ समाज के आखरी छोर के आखरी मनखे के सामाजिक, आर्थिक, शैक्षणिक विकास बर विशेष प्रयास करे जात हे। डॉ. डहरिया कल 18 दिसम्बर के गुरू घासीदास बाबा जी के 263वीं जयंती के उपलक्ष्य म राजधानी रायपुर के टिकरापारा अऊ पेंशन बाड़ा स्थित छात्रवास मन म आयोजित कार्यक्रम ल संबोधित करत रहिन। उमन ये बेरा म उपस्थित छात्र-छात्रा मन ल गुरूपर्व के बधाई अउ शुभकामना दीन।
