गुरू बाबा घासीदास जी के उपदेश मानव जाति बर अनुकरणीय
रायपुर, मुख्यमंत्री श्री भूपेश बघेल ह सतनाम पंथ के प्रवर्तक गुरू बाबा घासीदास जी के जयंती 18 दिसम्बर के अवसर म प्रदेशवासी मन ल बधाई देहे हें। श्री बघेल ह कहे हें कि गुरू बाबा घासीदास जी ह दुनिया ल सत्य, अहिंसा अऊ सामाजिक सद्भावना के मार्ग देखाइन। गुरू बाबा घासीदास के उपदेश जम्मो मानव जाति बर अनुकरणीय हे। उमन सम्पूर्ण मानव जाति ल ’मनखे-मनखे एक समान’ के प्रेरक वाक्य के संग ये संदेश दीन कि सबो मनुष्य एक समान हे। गुरू घासीदास जी ह अपन उपदेश मन के माध्यम ले दलित-शोषित समाज ल कुरीति अउ रूढ़ि मन ले दूर करके ऊंखर नैतिक अऊ चारित्रिक विकास के अनुपम उदाहरण प्रस्तुत करे हें। गुरू बाबा घासीदास जी ह मनखे मन ल मानवीय गुण के विकास बर रद्दा देखाइन अऊ ओमां नैतिक मूल्य मन के पुनर्स्थापना करिन। श्री बघेल ह कहिन कि गुरू घासीदास जी ल पशु मन के प्रति घलोक गहरा प्रेम रहिस। राज्य सरकार घलोक उंकर बताए रद्दा म चलके काम करत हे। हम सब ल गुरू बाबा घासीदास जी के संदेश को चारो तरफ फैलाय के जरूरत हे, जेखर से समानता, समरसता अऊ सत्यनिष्ठा के वातावरण बने रहय।
