रायपुर, मुख्यमंत्री श्री भूपेश बघेल ले काली संझा राजधानी स्थित ऊंखर निवास कार्यालय म अध्यक्ष श्री के.पी. खांडे के सियानी म आए गुरु घासीदास साहित्य अऊ संस्कृति अकादमी रायपुर के प्रतिनिधिमंडल ह सौजन्य मुलाकात करिन। प्रतिनिधि मंडल ह मुख्यमंत्री श्री बघेल ल नव साल के बधाई देवत ओ मन ल पुष्पगुच्छ भेंट करिन। मुख्यमंत्री ह घलोक प्रतिनिधिमंडल म सामिल सबो मनखे मन ल नव साल 2022 के हार्दिक बधाई अऊ शुभकामना दीन। प्रतिनिधिमंडल ह मुख्यमंत्री ले कई ठन सामाजिक मुद्दा मन उपर चर्चा करिन अऊ अपन मांग ले संबंधित मांग पत्र सौंपिन। ये बेरा म गुरु घासीदास साहित्य अऊ संस्कृति अकादमी के महासचिव डॉ. जे.आर.सोनी, श्री सुंदरलाल जोगी, श्री चेतन चंदेल संग आन मनखे उपस्थित रहिन।
मुख्यमंत्री ले गुरु घासीदास साहित्य अऊ संस्कृति अकादमी के प्रतिनिधिमंडल ह करिस सौजन्य मुलाकात
